ਅਮਰੀਕਾ ਤੋਂ ਕੈਨੇਡਾ ਵਿਚ ਗੈਰ-ਕਾਨੂੰਨੀ ਦਾਖ਼ਲ ਹੋਣ ਦੇ ਸਿਲਸਿਲੇ ਵਿਚ 4 ਲੋਕ ਹਿਰਾਸਤ ਵਿੱਚ

ਐਬਟਸਫੋਰਡ ਦੇ 0 ਐਵੇਨਿਊ ਵਿਚ ਪੁਲਿਸ ਨੇ ਅਮਰੀਕਾ ਤੋਂ ਕੈਨੇਡਾ ਵਿਚ ਗੈਰ-ਕਾਨੂੰਨੀ ਦਾਖ਼ਲ ਹੋਣ ਦੇ ਸਿਲਸਿਲੇ ਵਿਚ 4 ਲੋਕਾਂ ਨੂੰ ਹਿਰਾਸਤ ਵਿਚ ਲਏ ਜਾਣ ਦੀ ਕਾਰਵਾਈ ਕੀਤੀ ਹੈ। ਪ੍ਰਸ਼ਾਂਤ ਖੇਤਰ ਲਈ ਫੈਡਰਲ ਪੁਲਿਸਿੰਗ ਦੇ ਮੀਡੀਆ ਰਿਲੇਸ਼ਨ ਅਫ਼ਸਰ ਸਾਰਜੈਂਟ ਟੈਮੀ ਲੋਬ ਮੁਤਾਬਕ,ਇਹ ਘਟਨਾ 8 ਅਕਤੂਬਰ ਨੂੰ ਵਾਪਰੀ।

ਤਿੰਨ ਵਿਅਕਤੀ ਅਮਰੀਕੀ ਕਸਟਮ ਅਤੇ ਸਰਹੱਦੀ ਸੁਰੱਖਿਆ ਦੇ ਅਧਿਕਾਰੀਆਂ ਵਲੋਂ ਪਿੱਛਾ ਕੀਤੇ ਜਾਣ ਤੋਂ ਬਾਅਦ ਭੱਜ ਗਏ ਸਨ ਜੋ ਵਾਸ਼ਿੰਗਟਨ ਦੇ ਲਿੰਡਨ ਵਿਚ ਨੌਰਥਵੁੱਡਜ਼ ਰੋਡ ਖੇਤਰ ਅਤੇ ਫਿਰ ਬੀ.ਸੀ.ਦੇ ਐਬਟਸਫੋਰਡ ਵਿਚ 0 ਐਵੇਨਿਊ ਵਿਚ ਗੈਰ-ਕਾਨੂੰਨੀ ਤੌਰ 'ਤੇ ਕੈਨੇਡਾ ਵਿਚ ਦਾਖਲ ਹੋ ਗਏ, ਜਿੱਥੇ ਇੱਕ ਡਰਾਈਵਰ ਅਤੇ ਇਨ੍ਹਾਂ ਤਿੰਨ ਲੋਕਾਂ ਨੂੰ ਹਿਰਾਸਤ ਵਿਚ ਲਿਆ ਗਿਆ ਅਤੇ ਉਨ੍ਹਾਂ ਨੂੰ ਕੈਨੇਡਾ ਦੇ ਇਮੀਗ੍ਰੇਸ਼ਨ ਅਤੇ ਸ਼ਰਨਾਰਥੀ ਸੁਰੱਖਿਆ ਐਕਟ ਤਹਿਤ ਅੱਗੇ ਦੀ ਜਾਂਚ ਲਈ ਕੈਨੇਡਾ ਬਾਰਡਰ ਸਰਵਿਸ ਏਜੰਸੀ ਨੂੰ ਸੌਂਪ ਦਿੱਤਾ ਗਿਆ। ਸੀ.ਬੀ.ਐਸ.ਏ. ਨੇ ਕਿਹਾ ਕਿ ਜਾਂਚ ਜਾਰੀ ਹੈ ਅਤੇ ਮੌਜੂਦਾ ਸਮੇਂ ਹੋਰ ਡਿਟੇਲਸ ਨਹੀਂ ਦਿੱਤੀ ਜਾ ਸਕਦੀ।