7.52C Vancouver 7.52C VancouverFeb 20, 2026 4:59 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੇ ਵਪਾਰ ਮੰਤਰੀ ਡੋਮਿਨਿਕ ਲੇਬਲੈਂਕ ਨੇ ਅਮਰੀਕੀ ਸੁਪਰੀਮ ਕੋਰਟ ਵਲੋਂ ਟਰੰਪ ਦੇ ਐਮਰਜੈਂਸੀ ਪਾਵਰ ਐਕਟ ਤਹਿਤ ਲਗਾਏ ਗਏ ਟੈਰਿਫਸ ਨੂੰ ਰੱਦ ਕਰਨ ਦੇ ਫੈਸਲੇ ਦਾ ਸਵਾਗਤ ਕੀਤਾ ਹੈ, ਲੇਬਲੈਂਕ ਨੇ ਇਸ 'ਤੇ ਪ੍ਰਤੀਕਿਰਿਆ ਦਿੰਦਿਆਂ ਕਿਹਾ ਕਿ ਸਰਵਉੱਚ ਅਦਾਲਤ ਦੇ ਫੈਸਲੇ ਨੇ ਕੈਨੇਡਾ ਦੀ ਉਸ ਗੱਲ ਨੂੰ ਸਹੀ ਸਾਬਤ ਕੀਤਾ ਹੈ ਕਿ ਅਮਰੀਕਾ ਵੱਲੋਂ ਇੰਟਰਨੈਸ਼ਨਲ ਐਮਰਜੈਂਸੀ ਇਕਨੋਮਿਕ ਪਾਵਰ ਐਕਟ ਤਹਿਤ ਲਗਾਏ ਗਏ ਇਹ ਟੈਰਿਫਸ ਨਾਜਾਇਜ਼ ਸਨ।
ਹਾਲਾਂਕਿ, ਦੱਸਣਯੋਗ ਹੈ ਕਿ ਭਾਵੇਂ ਸੁਪਰੀਮ ਕੋਰਟ ਨੇ ਟਰੰਪ ਵੱਲੋਂ ਐਮਰਜੈਂਸੀ ਪਾਵਰ ਤਹਿਤ ਲਗਾਏ ਗਏ ਟੈਰਿਫਸ ਨੂੰ ਗੈਰ-ਸੰਵਿਧਾਨਕ ਕਰਾਰ ਦੇ ਕੇ ਰੱਦ ਕਰ ਦਿੱਤਾ ਹੈ ਪਰ ਕਈ ਅਹਿਮ ਸੈਕਟਰ ਲਈ ਖ਼ਤਰਾ ਅਜੇ ਵੀ ਟਲਿਆ ਨਹੀਂ ਹੈ।
ਅਦਾਲਤ ਦਾ ਇਹ ਫੈਸਲਾ ਉਨ੍ਹਾਂ ਖਾਸ ਟੈਰਿਫਸ 'ਤੇ ਲਾਗੂ ਨਹੀਂ ਹੁੰਦਾ ਜੋ 'ਸੈਕਸ਼ਨ 232' ਤਹਿਤ ਲਗਾਏ ਗਏ ਸਨ। ਇਨ੍ਹਾਂ ਵਿਚ ਸਟੀਲ, ਐਲੂਮੀਨੀਅਮ, ਲੱਕੜ ਅਤੇ ਆਟੋਮੋਟਿਵ ਟੈਰਿਫ ਸ਼ਾਮਲ ਹਨ। ਲੇਬਲੈਂਕ ਨੇ ਵੀ ਸਪੱਸ਼ਟ ਕੀਤਾ ਕਿ ਇਨ੍ਹਾਂ ਪ੍ਰਭਾਵਿਤ ਕੈਨੇਡੀਅਨ ਵਪਾਰ ਅਤੇ ਵਰਕਰ ਦੀ ਮਦਦ ਲਈ ਬਹੁਤ ਸਾਰਾ ਕੰਮ ਕਰਨਾ ਬਾਕੀ ਹੈ।
