15.5C Vancouver 15.5C VancouverJan 11, 2022 4:47 PM - The Canadian Press
ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਲੋੜ ਪੈਣ 'ਤੇ ਸਾਰੇ ਇਲੀਜੀਬਲ ਲੋਕਾਂ ਨੂੰ ਚੌਥੀ ਡੋਜ਼ ਦੇਣ ਲਈ ਕੈਨੇਡਾ ਕੋਲ ਕਾਫੀ ਮਾਤਰਾ ਵਿਚ ਵੈਕਸੀਨ ਹੋਵੇਗੀ।
ਕੱਲ੍ਹ ਪ੍ਰਧਾਨ ਮੰਤਰੀ ਨੇ ਪ੍ਰੋਵਿੰਸ਼ੀਅਲ ਤੇ ਟੈਰੀਟੋਰੀਅਲ ਆਗੂਆਂ ਨਾਲ ਗੱਲ ਕੀਤੀ ਅਤੇ ਉਨ੍ਹਾਂ ਦੇ ਦਫ਼ਤਰ ਵੱਲੋਂ ਜਾਰੀ ਇਕ ਬਿਆਨ ਵਿਚ ਉਨ੍ਹਾਂ ਇਨ੍ਹਾਂ ਸਾਰੇ ਆਗੂਆਂ ਨੂੰ ਯਕੀਨ ਦਿਵਾਇਆ ਕਿ ਕੈਨੇਡਾ ਨੇ ਤੀਸਰੇ ਤੇ ਪੋਟੈਂਸ਼ੀਅਲ ਚੌਥੇ ਗੇੜ ਦੀ ਵੈਕਸੀਨੇਸ਼ਨ ਲਈ ਕਾਫ਼ੀ ਮਾਤਰਾ ਵਿੱਚ ਸ਼ਾਟਸ ਪ੍ਰਾਪਤ ਕਰ ਲਏ ਹਨ।
ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਪ੍ਰੋਵਿੰਸਿਜ਼ ਤੇ ਟੈਰੇਟਰੀਜ਼ ਨੂੰ ਕੋਵਿਡ-19 ਮਹਾਂਮਾਰੀ ਦੀ ਪੰਜਵੀਂ ਲਹਿਰ ਨਾਲ ਨਜਿੱਠਣ ਲਈ ਔਟਵਾ ਹਰ ਸੰਭਵ ਸਹਾਇਤਾ ਕਰੇਗਾ।
ਓਮੀਕ੍ਰੋਨ ਵੇਰੀਅੰਟ ਦੇ ਵਧਦੇ ਕੇਸਾਂ ਕਾਰਨ ਹੈਲਥ ਸਿਸਟਮ ਚਰਮਰਾਉਣ ਦੀ ਸਥਿਤੀ ਵਿੱਚ ਪੁੱਜ ਗਿਆ ਹੈ।
ਫੈਡਰਲ ਸਰਕਾਰ ਨੇ ਕਿਹਾ ਹੈ ਕਿ ਪ੍ਰੋਵਿੰਸਜ਼ ਤੇ ਟੈਰੇਟਰੀਜ਼ ਨੂੰ ਇਸ ਮਹੀਨੇ 140 ਮਿਲੀਅਨ ਰੈਪਿਡ ਟੈਸਟ ਕਿੱਟਾਂ ਮਿਲਣਗੀਆਂ ਹਾਲਾਂਕਿ ਬਿਆਨ ਵਿੱਚ ਇਹ ਵਿਸਥਾਰ ਨਹੀਂ ਦਿੱਤਾ ਗਿਆ ਕਿ ਇਹ ਡਿਲਿਵਰੀ ਕਦੋਂ ਹੋਵੇਗੀ।
ਬਿਆਨ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਟਰੂਡੋ ਨੇ ਫੈਡਰਲ ਵੇਜ ਸਬਸਿਡੀ ਵਰਗੇ ਸਪੋਰਟ ਪ੍ਰੋਗਰਾਮਾਂ ਨੂੰ ਪ੍ਰਮੋਟ ਕਰਨ ਦੀ ਲੋੜ 'ਤੇ ਵੀ ਜ਼ੋਰ ਦਿੱਤਾ ਤਾਂ ਕਿ ਲੇਟੈਸਟ ਲਾਕਡਾਊਨ ਤੇ ਪਬਲਿਕ ਹੈਲਥ ਰਿਸਟ੍ਰਿਕਸ਼ਨਜ਼ ਤੋ ਪ੍ਰਭਾਵਿਤ ਲੋਕਾਂ ਦੀ ਮਦਦ ਹੋ ਸਕੇ ਤੇ ਉਨ੍ਹਾਂ ਦੇ ਕਾਰੋਬਾਰ ਚੱਲਦੇ ਰਹਿਣ।
