ਪੈਰਿਸ ਡਾਇਮੰਡ ਲੀਗ 'ਚ ਸੱਤਵੇਂ ਸਥਾਨ 'ਤੇ ਰਹੀ ਕੈਨੇਡਾ ਦੀ ਔਡਰੀ ਲੈਡੂ

ਕਨੇਡੀਅਨ ਸਪ੍ਰਿੰਟਰ ਔਡਰੀ ਲੈਡੁ ਪੈਰਿਸ 'ਚ ਖੇਡੀ ਜਾ ਰਹੀ ਡਾਇਮੰਡ ਲੀਗ ਵਰਲਡ ਚੈਂਪੀਅਨਸ਼ਿਪ ਵਿੱਚ 200 ਮੀਟਰ ਦੌੜ 'ਚ ਸੱਤਵੇਂ ਸਥਾਨ 'ਤੇ ਰਹੀ।

ਕਿਊਬੈਕ ਤੋਂ ਵਾਸਤਾ ਰੱਖਣ ਵਾਲੀ 26 ਸਾਲਾ ਸਪ੍ਰਿੰਟਰ ਨੇ ਇਹ ਈਵੈਂਟ 22 ਪਾਇੰਟ 90 ਸੈਕਿੰਡਸ ਵਿੱਚ ਪੂਰਾ ਕੀਤਾ।

ਇਸ ਈਵੈਂਟ 'ਚ ਅਮਰੀਕਾ ਦੀ ਅਨਾਵਿਆ ਬੈਟਲ (22.27 seconds) ਪਹਿਲੇ ਸਥਾਨ 'ਤੇ ਰਹੀ, ਜਦਕਿ ਦੂਜਾ ਸਥਾਨ ਗ੍ਰੇਟ ਬ੍ਰਿਟੇਨ ਦੀ ਐਮੀ ਹੰਟ (22.45 seconds) ਅਤੇ ਤੀਜਾ ਸਥਾਨ ਅਮਰੀਕਾ ਦੀ ਮੈਕੈਂਜੀ ਲੌਂਗ (22.49 seconds) ਦੇ ਨਾਮ ਰਿਹਾ।

ਯਾਦ ਰਹੇ ਔਡਰੀ ਲੈਡੁ ਕੈਨੇਡਾ ਦੀ 200 ਮੀਟਰ ਦੌੜ ਦੀ ਰਿਕਾਰਡ ਹੋਲਡਰ ਹੈ, ਜੋ ਉਨ੍ਹਾਂ ਬੀਤੇ ਸਾਲ ਮਈ 'ਚ 22 ਪਾਇੰਟ 36 ਸੈਕਿੰਡਸ ਦੇ ਟਾਈਮਿੰਗ ਨਾਲ ਸਥਾਪਿਤ ਕੀਤਾ ਸੀ।

ਉਨ੍ਹਾਂ ਦਾ ਇਸ ਸਾਲ ਦਾ ਸੀਜਨ ਬੈਸਟ ਟਾਈਮਿੰਗ 22 ਪਾਇੰਟ 80 ਸੈਕਿੰਡਸ ਦਾ ਰਿਹਾ ਹੈ।