ਕੈਨੇਡਾ ਦੀ ਸਭ ਤੋਂ ਸਸਤੀ ਲਿੰਕਸ ਏਅਰ ਹੋਣ ਜਾ ਰਹੀ ਹੈ ਬੰਦ

ਕੈਨੇਡਾ ਦੀ ਸਭ ਤੋਂ ਸਸਤੀ ਏਅਰ ਲਾਈਨ ਨਾਲ ਜਾਣੀ ਜਾਂਦੀ ਲਿੰਕਸ ਏਅਰ ਬੰਦ ਹੋਣ ਜਾ ਰਹੀ ਹੈ। ਕੰਪਨੀ ਨੇ ਅਚਾਨਕ ਐਲਾਨ ਕੀਤਾ ਹੈ ਕਿ ਉਹ ਸੋਮਵਾਰ ਯਾਨੀ 26 ਫਰਵਰੀ ਦੀ ਅੱਧੀ ਰਾਤ ਤੋਂ ਓਪਰੇਸ਼ਨ ਬੰਦ ਕਰ ਦੇਵੇਗੀ।

ਮੈਨੇਜਮੈਂਟ ਨੇ ਇਸ ਵੱਡੇ ਫੈਸਲੇ ਪਿੱਛੇ ਮਹਿੰਗਾਈ, ਬਾਲਣ ਦੀ ਲਾਗਤ ਅਤੇ ਮੁਕਾਬਲੇਬਾਜ਼ੀ ਨਾ ਕਰਨ ਦੀ ਸਮਰਥਾ ਸਮੇਤ ਤਮਾਮ ਕਾਰਨ ਦੱਸੇ ਹਨ। ਲਿੰਕਸ ਏਅਰ ਦਾ ਕਹਿਣਾ ਹੈ ਕਿ ਉਹ ਹਫ਼ਤੇ ਤੱਕ ਆਪਣੀਆਂ ਵੱਧ ਤੋਂ ਵੱਧ ਫਲਾਈਟ ਚਲਾਉਣ ਦੀ ਕੋਸ਼ਿਸ਼ ਕਰੇਗੀ ਤਾਂ ਜੋ ਜਿੰਨਾ ਸੰਭਵ ਹੋ ਸਕੇ ਯਾਤਰੀਆਂ ਨੂੰ ਉਨ੍ਹਾਂ ਦੀ ਮੰਜ਼ਿਲ ਤੱਕ ਪਹੁੰਚਾਇਆ ਜਾ ਸਕੇ।

ਏਅਰਲਾਈਨ ਨੇ ਕਿਹਾ ਕਿ ਜੇ ਕੋਈ ਫਲਾਈਟ ਰੱਦ ਹੁੰਦੀ ਹੈ ਤਾਂ ਯਾਤਰੀਆਂ ਨੂੰ ਈ-ਮੇਲ ਰਾਹੀਂ ਸੂਚਿਤ ਕਰ ਦਿੱਤਾ ਜਾਵੇਗਾ। ਉਥੇ ਹੀ, ਜਿਨ੍ਹਾਂ ਦੀ ਫਲਾਈਟ ਟਿਕਟ 26 ਫਰਵਰੀ ਜਾਂ ਉਸ ਤੋਂ ਬਾਅਦ ਦੀ ਹੈ ਉਨ੍ਹਾਂ ਯਾਤਰੀਆਂ ਨੂੰ ਰਿਫੰਡ ਲਈ ਆਪਣੀ ਕ੍ਰੈਡਿਟ ਕਾਰਡ ਕੰਪਨੀ ਨਾਲ ਸੰਪਰਕ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।

ਕੈਲਗਰੀ ਸਥਿਤ ਲਿੰਕਸ ਏਅਰ ਨੇ ਆਪਣੀ ਪਹਿਲੀ ਅਪ੍ਰੈਲ 2022 ਵਿਚ ਫਲਾਈਟ ਸ਼ੁਰੂ ਕੀਤੀ ਸੀ। ਵੈਸਟ ਜੈੱਟ ਨੇ ਲਿੰਕਸ ਏਅਰ ਦੇ ਅਚਾਨਕ ਬੰਦ ਹੋਣ ਤੋਂ ਪ੍ਰਭਾਵਿਤ ਯਾਤਰੀਆਂ ਨੂੰ ਕਿਰਾਏ ਵਿਚ 25 ਫੀਸਦੀ ਤੱਕ ਦੀ ਛੋਟ ਪੇਸ਼ਕਸ਼ ਕੀਤੀ ਹੈ। ਏਅਰਲਾਈਨ ਨੇ ਕਿਹਾ ਕਿ ਲਿੰਕਸ ਵਲੋਂ ਸਰਵਰ ਕੀਤੇ ਗਏ ਨਾਨ ਸਟਾਪ ਰਸਤੇ ’ਤੇ 29 ਫਰਵਰੀ ਤੱਕ ਘਰੇਲੂ ਕਿਰਾਏ $500 ਤੋਂ ਵੱਧ ਨਹੀਂ ਹੋਣਗੇ।