13.96C Vancouver 13.96C VancouverJun 13, 2022 9:45 PM - The Canadian Press
ਇਸੇ ਹਫ਼ਤੇ ਕੋਵਿਡ ਐਲਰਟ ਐਪ ਦੀ ਵਰਤੋਂ ਨੂੰ ਰੋਕਣ ਸੰਬੰਧੀ ਐਲਾਨ ਕੀਤਾ ਜਾ ਸਕਦਾ ਹੈ।
ਮੀਡੀਆ ਰਿਪੋਰਟਸ ਅਨੁਸਾਰ ਇਹ ਜਾਣਕਾਰੀ ਫੈਡਰਲ ਸਰਕਾਰੀ ਸੂਤਰਾਂ ਤੋਂ ਹਾਸਿਲ ਹੋਈ ਹੈ।
ਇਸ ਐਪ ਨੂੰ ਸਾਲ 2020 ਦੀ ਗਰਮੀ ਦੌਰਾਨ ਪੈਂਡੈਮਿਕ ਦੇ ਸ਼ੁਰੂਆਤੀ ਦਿਨਾਂ 'ਚ ਲਾਗੂ ਕੀਤਾ ਗਿਆ ਸੀ।
ਇਸ ਨੂੰ ਇੱਕ ਢੰਗ ਵਜੋਂ ਇਸਤੇਮਾਲ ਕੀਤਾ ਜਾਂਦਾ ਸੀ ਜਿੱਥੇ ਲੋਕਾਂ ਨੂੰ ਸਾਵਧਾਨ ਕੀਤਾ ਜਾ ਸਕਦਾ ਸੀ ਕਿ ਉਹ ਕਿਸੇ ਕੋਵਿਡ-19 ਪੀੜਤ ਵਿਅਕਤੀ ਦੇ ਸੰਪਰਕ 'ਚ ਆਏ ਹਨ।
ਇਸ ਐਪ 'ਚ ਪਰਸਨਲ ਡਾਟਾ ਇਕੱਤਰ ਨਹੀਂ ਕੀਤਾ ਜਾਂਦਾ ਸੀ।
ਹਾਲਾਂਕਿ ਇਸ ਦੇ ਲਈ ਇੱਕ ਵਾਰ ਦਾ ਕੋਡ ਵਰਤਿਆ ਜਾਂਦਾ ਸੀ ਜੋ ਕਿ ਪਾਜੀਟਿਵ ਪੀ.ਸੀ.ਆਰ. ਟੈਸਟ 'ਤੇ ਅਧਾਰਿਤ ਹੁੰਦਾ ਸੀ।
ਹਾਲਾਂਕਿ ਬੀਤੇ ਕੁਝ ਸਮੇਂ ਦੌਰਾਨ ਕਈ ਸੂਬਿਆਂ ਨੇ ਪੀ.ਸੀ.ਆਰ. ਟੈਸਟਿੰਗ ਨੂੰ ਰੈਪਿਡ ਟੈਸਟਿੰਗ ਨਾਲ ਰਿਪਲੇਸ ਕਰ ਦਿੱਤਾ ਹੈ ਅਤੇ ਅਜਿਹੇ 'ਚ ਯੂਜਰ ਕੀਸ ਨਹੀਂ ਦਿੱਤੇ ਜਾ ਸਕਦੇ ਹਨ।
ਯਾਦ ਰਹੇ ਇਸ ਐਪ ਦੀ ਕਾਫੀ ਆਲੋਚਨਾ ਹੁੰਦੀ ਰਹੀ ਸੀ ਅਤੇ ਇਸ ਨੂੰ ਬਹੁਤਾ ਲਾਭਦਾਇਕ ਨਹੀਂ ਦੱਸਿਆ ਜਾਂਦਾ ਸੀ।
ਅੰਕੜਿਆਂ ਅਨੁਸਾਰ 6.89 ਮਿਲੀਅਨ ਲੋਕਾਂ ਨੇ ਐਪ ਡਾਊਨਲੋਡ ਕੀਤੀ ਸੀ ਪਰ 1 ਫਰਵਰੀ ਤਕ 57,704 ਯੂਜਰ ਕੀਸ ਦੀ ਵਰਤੋਂ ਹੀ ਕੀਤੀ ਗਈ ਸੀ।
