14.37C Vancouver 14.37C VancouverFeb 27, 2026 6:43 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਆਰਥਿਕਤਾ ਨੇ ਸਾਲ 2025 ਦੀ ਚੌਥੀ ਤਿਮਾਹੀ ਯਾਨੀ ਅਕਤੂਬਰ ਤੋਂ ਦਸੰਬਰ ਤੱਕ ਦੇ ਪ੍ਰੀਰੀਅਡ ਵਿਚ ਗਿਰਾਵਟ ਦਰਜ ਕੀਤੀ ਹੈ। ਮਾਹਰਾਂ ਨੇ ਜੀ.ਡੀ.ਪੀ. ਸਥਿਰ ਰਹਿਣ ਦਾ ਅੰਦਾਜ਼ਾ ਲਗਾਇਆ ਸੀ ਕਿ ਪਰ ਨਤੀਜੇ ਉਲਟ ਰਹੇ। ਸਟੈਟਿਸਟਿਕਸ ਕੈਨੇਡਾ ਵੱਲੋਂ ਸ਼ੁੱਕਰਵਾਰ ਨੂੰ ਜਾਰੀ ਅੰਕੜਿਆਂ ਅਨੁਸਾਰ, ਦਸੰਬਰ ਕੁਆਰਟਰ ਵਿਚ ਦੇਸ਼ ਦੀ ਕੁੱਲ ਜੀ.ਡੀ.ਪੀ. ਸਾਲਾਨਾ ਆਧਾਰ 'ਤੇ 0.6 ਫੀਸਦੀ ਦੀ ਦਰ ਨਾਲ ਘਟੀ ਹੈ।
ਉਥੇ ਹੀ, ਦੂਜੇ ਪਾਸੇ ਭਾਰਤ ਦੀ ਆਰਥਿਕਤਾ ਨੇ ਇਸ ਦੌਰਾਨ ਉਮੀਦ ਨਾਲੋਂ ਜ਼ਿਆਦਾ ਵਾਧਾ ਦਰਜ ਕੀਤਾ ਹੈ। ਭਾਰਤ ਦੀ ਸਟੈਟਿਸਟਿਕਸ ਮਨਿਸਟਰੀ ਵੱਲੋਂ ਜਾਰੀ ਅੰਕੜਿਆਂ ਅਨੁਸਾਰ, ਦਸੰਬਰ ਤਿਮਾਹੀ ਵਿਚ ਭਾਰਤ ਦੀ ਜੀ. ਡੀ. ਪੀ. 7.8 ਫੀਸਦੀ ਵਧੀ ਹੈ।
ਸਟੈਟਕੈਨ ਮੁਤਾਬਕ, ਕੈਨੇਡਾ ਦੀ 2025 ਦੇ ਪੂਰੇ ਸਾਲ ਦੀ ਜੀ. ਡੀ. ਪੀ. ਦੇਖੀਏ ਤਾਂ ਇਸ ਵਿਚ ਹੁਣ ਦੇ ਅਨੁਮਾਨ ਮੁਤਾਬਕ, 1.7 ਫੀਸਦੀ ਵਾਧਾ ਹੋਇਆ ਹੈ ਜੋ 2020 ਵਿਚ ਕੋਵਿਡ ਕਾਲ ਦੌਰਾਨ ਦਰਜ ਹੋਈ ਗਿਰਾਵਟ ਤੋਂ ਬਾਅਦ ਸਾਲਾਨਾ ਵਿਕਾਸ ਦਰ ਦੀ ਸਭ ਤੋਂ ਸੁਸਤ ਰਫ਼ਤਾਰ ਹੈ।
ਸਟੈਟਕੈਨ ਮੁਤਾਬਕ, ਚੌਥੇ ਕੁਆਰਟਰ ਵਿਚ ਨਿਰਮਾਤਾ ਨੇ ਨਵਾਂ ਮਾਲ ਤਿਆਰ ਕਰਨ ਦੀ ਬਜਾਏ ਆਪਣੀ ਪੁਰਾਣੀ ਇਨਵੰਟਰੀਜ਼ ਵਿਚੋਂ ਡਿਮਾਂਡ ਨੂੰ ਪੂਰਾ ਕੀਤਾ, ਦੂਜਾ ਅਪਾਰਟਮੈਂਟ, ਕੰਡੋ ਅਤੇ ਘਰਾਂ ਦੀ ਉਸਾਰੀ ਵਿਚ ਨਿਵੇਸ਼ 4.4 ਫੀਸਦੀ ਤੱਕ ਘਟਿਆ, ਜਿਸ ਨੇ ਆਰਥਿਕਤਾ 'ਤੇ ਨਕਾਰਾਤਮਕ ਅਸਰ ਪਾਇਆ। ਸਟੈਟਿਸਟਿਕਸ ਕੈਨੇਡਾ ਦਾ ਅਨੁਮਾਨ ਹੈ ਕਿ ਜਨਵਰੀ ਵਿਚ ਵੀ ਜੀ.ਡੀ.ਪੀ. ਸਥਿਰ ਰਹਿ ਸਕਦੀ ਹੈ।
