17.61C Vancouver 17.61C VancouverDec 23, 2024 5:48 PM - Connecct Newsroom
ਕੈਨੇਡੀਅਨ ਆਰਥਿਕਤਾ ਨੇ ਨਵੰਬਰ ਵਿਚ ਇਸ ਸਾਲ ਦੀ ਪਹਿਲੀ ਗਿਰਾਵਟ ਦਰਜ ਕੀਤੀ ਹੈ, ਇਹ ਸਥਿਤੀ ਉਸ ਦੇ ਬਾਵਜੂਦ ਹੈ ਜਦੋਂ ਸੈਂਟਰਲ ਬੈਂਕ ਵਲੋਂ ਵਿਆਜ ਦਰਾਂ ਵਿਚ ਤੇਜ਼ੀ ਨਾਲ ਕਟੌਤੀ ਕੀਤੀ ਗਈ ਹੈ।
ਸਟੈਟਿਸਟਿਕਸ ਕੈਨੇਡਾ ਨੇ ਸੋਮਵਾਰ ਨੂੰ ਰਿਪੋਰਟ ਜਾਰੀ ਕਰਦੇ ਕਿਹਾ ਕਿ ਐਡਵਾਂਸ ਡੇਟਾ ਤੋਂ ਪਤਾ ਚੱਲਦਾ ਹੈ ਕਿ ਨਵੰਬਰ ਦੌਰਾਨ ਜੀਡੀਪੀ ਵਿਚ 0.1 ਫੀਸਦੀ ਦੀ ਗਿਰਾਵਟ ਆਈ ਹੈ, ਜਦੋਂ ਕਿ ਅਕਤੂਬਰ ਵਿਚ ਕੈਨੇਡੀਅਨ ਆਰਥਿਕਤਾ ਨੇ 0.3 ਫੀਸਦੀ ਦਾ ਵਾਧਾ ਦਰਜ ਕੀਤਾ।
ਜੇ ਨਵੰਬਰ ਦਾ ਪੂਰਵ ਅਨੁਮਾਨ ਅੰਤਿਮ ਅੰਕੜੇ ਵਿਚ ਵੀ ਬਰਕਰਾਰ ਰਹਿੰਦਾ ਹੈ ਅਤੇ ਨਾਲ ਹੀ ਦਸੰਬਰ ਦੀ ਜੀਡੀਪੀ ਗ੍ਰੋਥ ਸਥਿਰ ਰਹੀ ਤਾਂ ਚੌਥੀ ਤਿਮਾਹੀ ਦੀ ਜੀਡੀਪੀ ਬੈਂਕ ਆਫ ਕੈਨੇਡਾ ਦੇ ਦੋ ਫੀਸਦੀ ਅਨੁਮਾਨ ਤੋਂ ਘੱਟ ਰਹੇਗੀ।
ਗੌਰਤਲਬ ਹੈ ਕਿ ਸੈਂਟਰਲ ਬੈਂਕ ਨੇ ਜੂਨ ਤੋਂ ਲੈ ਕੇ ਹੁਣ ਤੱਕ ਵਿਆਜ ਦਰਾਂ ਵਿਚ 175 ਆਧਾਰ ਬਿੰਦੂ ਦੀ ਕਮੀ ਕੀਤੀ ਹੈ। ਇਸ ਵਿਚੋਂ 50-50 ਆਧਾਰ ਬਿੰਦੂ ਦੀਆਂ ਦੋ ਵੱਡੀਆਂ ਕਟੌਤੀਆਂ ਹਾਲ ਹੀ ਵਿਚ ਆਰਥਿਕਤਾ ਨੂੰ ਬੂਸਟ ਦੇਣ ਲਈ ਸਨ।
ਸਟੈਟਕਨ ਦੀ ਅਗਲੀ ਜੀਡੀਪੀ ਰਿਪੋਰਟ ਤੋਂ ਪਹਿਲਾਂ ਬੈਂਕ 29 ਜਨਵਰੀ ਨੂੰ ਵਿਆਜ ਦਰਾਂ ਬਾਰੇ ਫੈਸਲਾ ਲਵੇਗਾ ਅਤੇ ਪੈਸਾ ਬਾਜ਼ਾਰ ਨੂੰ 25 ਆਧਾਰ ਬਿੰਦੂ ਦੀ ਹੋਰ ਕਟੌਤੀ ਹੋਣ ਦੀ ਲਗਭਗ 50 ਫੀਸਦੀ ਉਮੀਦ ਹੈ।
