7.69C Vancouver 7.69C VancouverDec 23, 2025 3:34 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਜੀ. ਡੀ. ਪੀ. ਵਿਚ ਅਕਤੂਬਰ ਦੌਰਾਨ 0.3 ਫੀਸਦੀ ਦੀ ਗਿਰਾਵਟ ਆਈ ਹੈ, ਇਹ ਪ੍ਰਮੁੱਖ ਤੌਰ 'ਤੇ ਨਿਰਮਾਣ ਖੇਤਰ ਦੀ ਗਤੀਵਿਧੀ ਸਲੌ ਹੋਣ ਕਾਰਨ ਹੋਇਆ ਹੈ।ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ,ਐਲਬਰਟਾ ਵਿਚ ਤਿੰਨ ਹਫ਼ਤੇ ਤੋਂ ਵੱਧ ਚੱਲੀ ਅਧਿਆਪਕਾਂ ਦੀ ਸੂਬਾ ਪੱਧਰੀ ਹੜਤਾਲ ਦਾ ਵੀ ਆਰਥਿਕਤਾ 'ਤੇ ਅਸਰ ਪਿਆ, ਜਿਸ ਕਾਰਨ ਅਕਤੂਬਰ ਵਿਚ ਪਬਲਿਕ ਸੈਕਟਰ ਦੀ ਆਊਟਪੁੱਟ ਵਿਚ ਓਵਰਔਲ ਕਮੀ ਆਈ।
ਉਥੇ ਹੀ, ਇਸ ਦੌਰਾਨ ਮਾਈਨਿੰਗ ਅਤੇ ਤੇਲ ਅਤੇ ਗੈਸ ਕੱਢਣ ਵਾਲੇ ਖੇਤਰ ਵਿਚ 0.6 ਫੀਸਦੀ ਦੀ ਗਿਰਾਵਟ ਨੇ ਸਤੰਬਰ ਦੀ ਵਾਧੇ ਦੀ ਰਫ਼ਤਾਰ ਨੂੰ ਗੁਆ ਦਿੱਤਾ। ਉਸਾਰੀ ਖੇਤਰ ਵਿਚ 6 ਮਹੀਨਿਆਂ ਵਿਚ ਪਹਿਲੀ ਵਾਰ 0.4 ਫੀਸਦੀ ਦੀ ਕਮੀ ਦੇਖਣ ਨੂੰ ਮਿਲੀ, ਜਿਸ ਵਿਚ ਇੰਜੀਨੀਅਰਿੰਗ ਅਤੇ ਉਸਾਰੀ ਗਤੀਵਿਧੀਆਂ ਦੀ ਨਰਮੀ ਨੇ ਮੁੱਖ ਤੌਰ 'ਤੇ ਯੋਗਦਾਨ ਪਾਇਆ।
ਸਟੈਟਿਸਟਿਕਸ ਕੈਨੇਡਾ ਨੇ ਕਿਹਾ ਕਿ ਐਡਵਾਂਸ ਐਸਟੀਮੇਟ ਮੁਤਾਬਕ, ਨਵੰਬਰ ਵਿਚ ਜੀ. ਡੀ. ਪੀ. 0.1 ਫੀਸਦੀ ਵਧਣ ਦੀ ਉਮੀਦ ਹੈ। ਹਾਲਾਂਕਿ, 2025 ਦਾ ਫਾਈਨਲ ਕੁਆਰਟਰ ਦਿਖਾਉਂਦਾ ਹੈ ਕਿ ਹੁਣ ਤੱਕ ਕੈਨੇਡਾ ਦੀ ਆਰਥਿਕ ਗਤੀਵਿਧੀ ਹੁਣ ਤੱਕ ਹੌਲ ਹੈ। ਲੇਟਸਟ ਅੰਕੜੇ ਮੁਤਾਬਕ, ਕੈਨੇਡਾ ਦੀ ਜੀ. ਡੀ. ਪੀ. ਇਸ ਸਮੇਂ 2.326 ਟ੍ਰਿਲੀਅਨ ਡਾਲਰ ਦੀ ਹੈ।
