ਕੈਨੇਡਾ ਦੀ ਅਰਥ ਵਿਵਸਥਾ ਵਾਪਸ ਟਰੈਕ ਤੇ ਆਉਣੀ ਸ਼ੁਰੂ

ਕੈਨੇਡਾ ਦੀ ਅਰਥ ਵਿਵਸਥਾ ਵਾਪਸ ਟਰੈਕ ’ਤੇ ਆਉਂਦੀ ਨਜ਼ਰ ਆ ਰਹੀ ਹੈ, ਇਸ ਮਹੀਨੇ ਨਵੰਬਰ ਵਿਚ 0.2 ਫੀਸਦੀ ਦੀ ਗ੍ਰੋਥ ਨਾਲ ਉਮੀਦਾਂ ਤੋਂ ਬਿਹਤਰ ਪ੍ਰਦਰਸ਼ਨ ਕੀਤਾ ਹੈ।

ਮਈ 2023 ਤੋਂ ਬਾਅਦ ਨਵੰਬਰ ਪਹਿਲਾ ਮਹੀਨਾ ਹੈ ਜਦੋਂ ਕੈਨੇਡਾ ਨੇ ਜੀ.ਡੀ.ਪੀ. ਵਿਚ ਵਾਧਾ ਦਰਜ ਕੀਤਾ। ਇਸ ਤੋਂ ਪਹਿਲਾਂ ਇਹ ਲਗਭਗ ਫਲੈਟ ਬਣੀ ਹੋਈ ਸੀ। ਸਟੈਟਿਸਟਿਕਸ ਕੈਨੇਡਾ ਵਲੋਂ ਬੁੱਧਵਾਰ ਨੂੰ ਜੀ.ਡੀ.ਪੀ. ਸੰਬੰਧੀ ਰਿਪੋਰਟ ਜਾਰੀ ਕੀਤੀ ਗਈ।

ਏਜੰਸੀ ਨੇ ਦਸੰਬਰ ਵਿਚ 0.3 ਫੀਸਦੀ ਗ੍ਰੋਥ ਦੇ ਅਨੁਮਾਨ ਨਾਲ ਚੌਥੀ ਤਿਮਾਹੀ ਵਿਚ ਆਰਥਿਕਤਾ ਦੇ ਵਾਧਾ ਦਰਜ ਕਰਨ ਦੀ ਸੰਭਾਵਨਾ ਜਤਾਈ ਹੈ, ਜਿਸ ਨਾਲ ਤਕਨੀਕੀ ਮੰਦੀ ਦਾ ਖਤਰਾ ਟਲ ਜਾਵੇਗਾ।

ਤੀਜੀ ਤਿਮਾਹੀ ਵਿਚ ਕੈਨੇਡਾ ਨੇ ਜੀ. ਡੀ.ਪੀ. ਵਿਚ 1.1 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਸੀ। ਜੇ ਲਗਾਤਾਰ ਦੋ ਕੁਆਰਟਰ ਵਿਚ ਜੀ.ਡੀ.ਪੀ. ਡਿੱਗਦੀ ਹੈ ਤਾਂ ਤਕਨੀਕੀ ਤੌਰ ’ਤੇ ਇਸ ਦਾ ਮਤਲਬ ਹੁੰਦਾ ਹੈ ਕਿ ਅਸੀਂ ਮੰਦੀ ਵਿਚ ਹਾਂ।

ਸਟੈਟਿਸਟਿਕਸ ਕੈਨੇਡਾ ਦੇ ਪੇਸ਼ਗੀ ਅਨੁਮਾਨ ਮੁਤਾਬਕ ਚੌਥੀ ਤਿਮਾਹੀ ਵਿਚ ਜੀ.ਡੀ.ਪੀ. ਇੱਕ ਸਾਲ ਪਹਿਲਾਂ ਦੇ ਮੁਕਾਬਲੇ 1.2 ਫੀਸਦੀ ਦਾ ਵਾਧਾ ਦਰਜ ਕਰ ਸਕਦੀ ਹੈ, ਹਾਲਾਂਕਿ ਇਸ ਦੇ ਫਾਈਨਲ ਅੰਕੜੇ ਫਰਵਰੀ ਵਿਚ ਜਾਰੀ ਹੋਣਗੇ।

ਉਥੇ ਹੀ, ਇਸ ਸਾਲ ਨੂੰ ਲੈ ਕੇ ਅਰਥ ਵਿਵਸਥਾ ਦਾ ਮੰਨਣਾ ਹੈ ਕਿ 2024 ਦੇ ਦੂਜੇ ਅੱਧ ਵਿਚ ਮਜਬੂਤ ਵਾਪਸੀ ਤੋਂ ਪਹਿਲਾਂ, ਪਹਿਲੇ 6 ਮਹੀਨਿਆਂ ਵਿਚ ਵਾਧਾ ਕਮਜ਼ੋਰ ਰਹੇਗੀ।