ਕੈਨੇਡਾ ਭਰ ਵਿੱਚ ਅੱਜ ਹੋਵੇਗੀ ਐਮਰਜੈਂਸੀ ਅਲਰਟ ਦੀ ਟੈਸਟਿੰਗ

ਕੈਨੇਡਾ ਦੇ ਪਬਲਿਕ ਅਲਰਟਿੰਗ ਸਿਸਟਮ,ਜਿਸ ਨੂੰ ਅਲਰਟ ਰੈਡੀ ਵੀ ਕਿਹਾ ਜਾਂਦਾ ਹੈ,ਉਸ ਦੀ ਟੈਸਟਿੰਗ ਅੱਜ ਦੇਸ਼ ਭਰ ਦੇ ਸੂਬੇ ਵਿਚ ਹੋਣ ਵਾਲੀ ਹੈ। ਇਸ ਤਹਿਤ ਮੋਬਾਈਲ,ਟੀ.ਵੀ.ਅਤੇ ਰੇਡੀਓ 'ਤੇ ਟੈਸਟ ਮੈਸੇਜ, ਅਲਰਟ ਟੋਨ ਨਾਲ ਪ੍ਰਸਾਰਿਤ ਕੀਤੇ ਜਾਣਗੇ। ਐਲਬਰਟਾ ਅਤੇ ਬੀ.ਸੀ.ਵਿਚ ਲੋਕਲ ਸਮੇਂ ਮੁਤਾਬਕ,ਦੁਪਹਿਰ 1.55 ਵਜੇ ਅਲਰਟ ਰੈਡੀ ਤੋਂ ਤੁਹਾਨੂੰ ਮੈਸੇਜ ਪ੍ਰਾਪਤ ਹੋਣਗੇ ਅਤੇ ਇਸ ਸਬੰਧ ਵਿਚ ਕੋਈ ਐਕਸ਼ਨ ਲੈਣ ਦੀ ਲੋੜ ਨਹੀਂ ਹੋਵੇਗੀ।

ਗੌਰਤਲਬ ਹੈ ਕਿ ਕੈਨੇਡਾ ਵਿਚ ਐਮਰਜੈਂਸੀ ਅਲਰਟ ਦੀ ਟੈਸਟਿੰਗ ਹਰ ਸਾਲ ਮਈ ਅਤੇ ਨਵੰਬਰ ਵਿਚ ਜਾਂਚ ਕੀਤੀ ਜਾਂਦੀ ਹੈ। ਇਸ ਦਾ ਉਦੇਸ਼ ਟੋਰਨੇਡੋਸ,ਵਾਈਲਡਫਾਇਰ ਅਤੇ ਐਬੰਰ ਅਲਰਟ ਵਰਗੇ ਹਾਲਾਤ ਵਿਚ ਸਿਸਮਟ ਦੇ ਠੀਕ ਢੰਗ ਨਾਲ ਕੰਮ ਕਰਦੇ ਹੋਣ ਨੂੰ ਯਕੀਨੀ ਬਣਾਉਣਾ ਹੈ। ਅਲਰਟ ਰੈਡੀ ਸਿਸਟਮ ਜ਼ਰੀਏ ਇਸ ਸਾਲ ਕੈਨੇਡਾ ਵਿਚ 31 ਅਕਤੂਬਰ ਤੱਕ ਲਗਭਗ 900 ਐਮਰਜੈਂਸੀ ਅਲਰਟ ਜਾਰੀ ਕੀਤੇ ਗਏ ਹਨ।