18.44C Vancouver 18.44C VancouverApr 28, 2021 7:36 PM -
ਕੈਨੇਡਾ 'ਚ ਜੌਨਸਨ ਐਂਡ ਜੌਨਸਨ ਕੋਵਿਡ-19 ਵੈਕਸੀਨ ਦੀਆਂ ਪਹਿਲਾਂ ਖੁਰਾਕਾਂ ਅੱਜ ਪਹੁੰਚਣ ਦੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।
ਦੇਸ਼ 'ਚ ਇਸ ਵੈਕਸੀਨ ਦੀਆਂ 300,000 ਖੁਰਾਕਾਂ ਪਹੁੰਚ ਰਹੀਆਂ ਹਨ।
ਹਾਲਾਂਕਿ ਇਸ ਜਾਣਕਾਰੀ ਨੂੰ ਫਿਲਹਾਲ ਅਧਿਕਾਰਿਤ ਨਹੀਂ ਕੀਤਾ ਗਿਆ ਹੈ।
ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਸਰਕਾਰ ਨੂੰ ਫਿਲਹਾਲ ਇਸ ਨਵੀਂ ਵੈਕਸੀਨ ਦੀ ਸਪਲਾਈ ਚੇਨ ਨੂੰ ਸੁਰੱਖਿਅਤ ਕਰਨ ਦੀ ਲੋੜ ਹੈ।
ਯਾਦ ਰਹੇ ਇਸ ਵੈਕਸੀਨ ਨਾਲ ਜੁੜੀਆਂ ਕੁਝ ਉਤਪਾਦਨ ਦੀਆਂ ਦਿੱਕਤਾਂ ਪੇਸ਼ ਆਈਆਂ ਹਨ।
ਕੈਨੇਡਾ ਨੇ ਇਸ ਵੈਕਸੀਨ ਦੀਆਂ 10 ਮਿਲੀਅਨ ਖੁਰਾਕਾਂ ਖਰੀਦੀਆਂ ਹਨ ਅਤੇ 28 ਮਿਲੀਅਨ ਹੋਰ ਖੁਰਾਕਾਂ ਖਰੀਦਣ ਦੀ ਆਪਸ਼ਨ ਉਪਲਬਧ ਹੈ।
ਕੈਨੇਡਾ ਪਹੁੰਚੀਆਂ ਮੌਡਰਨਾ ਵੈਕਸੀਨ ਦੀਆਂ 650,000 ਖੁਰਾਕਾਂ
ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੈਂਸੀ ਦਾ ਕਹਿਣਾ ਹੈ ਕਿ ਟੋਰੌਂਟੋ ਪੀਅਰਸਨ ਹਵਾਈ ਅੱਡੇ 'ਤੇ ਮੌਡਰਨਾ ਵੈਕਸੀਨ ਦੀਆਂ 650,000 ਖੁਰਾਕਾਂ ਪਹੁੰਚ ਗਈਆਂ ਹਨ।
ਜਾਣਕਾਰੀ ਦਿੱਤੀ ਗਈ ਕਿ ਵੈਕਸੀਨ ਦੇ ਪਹੁੰਚਣ ਦੀ ਪ੍ਰੀਕਿਰਿਆ ਨੂੰ ਪੂਰਾ ਕਰ ਲਿਆ ਗਿਆ ਹੈ।
ਇਹ ਸ਼ਿਪਮੈਂਟ ਬੀਤੇ ਹਫ਼ਤੇ ਤੋਂ ਡਿਲੇਅ ਹੋਈ ਸੀ।
ਕੰਪਨੀ ਦੇ ਯੂਰੋਪ 'ਚ ਕੁਝ ਉਤਪਾਦਨ ਮਸਲਿਆਂ ਦੇ ਚਲਦਿਆਂ ਇਸ ਦੇਰੀ ਦੀਆਂ ਖਬਰਾਂ ਉਜਾਗਰ ਹੋਈਆਂ ਸਨ।
ਅੱਜ ਪਹੁੰਚੀਆਂ ਖੁਰਾਕਾਂ ਨੂੰ ਪਹਿਲਾਂ ਇਨੋਮਾਰ ਸਟ੍ਰੇਟਜਿਸ ਵੇਅਰਹਾਊਸ (Innomar Strategies warehouse) ਪਹੁੰਚਾਇਆ ਜਾਵੇਗਾ।
ਇਸ ਲੌਜਿਸਟਿਕਸ ਕੰਪਨੀ ਵੱਲੋਂ ਖੁਰਾਕਾਂ ਨੂੰ ਰੀ-ਪੈਕੇਜ ਕੀਤਾ ਜਾਵੇਗਾ ਅਤੇ ਫਿਰ ਇਸ ਨੂੰ ਸੂਬਿਆਂ ਅਤੇ ਟੈਰੀਟਰੀਸ ਤਕ ਪਹੁੰਚਾਇਆ ਜਾਵੇਗਾ।
