13.09C Vancouver 13.09C VancouverNov 22, 2024 7:28 PM - Connect Newsroom
ਕੈਨੇਡਾ ਵਿਚ ਪਹਿਲੀ ਵਾਰ ਹਾਈਡ੍ਰੋਜਨ ਨਾਲ ਘਰ ਨੂੰ ਹੀਟ ਕਰਨ ਦਾ ਸਿਸਟਮ ਤਿਆਰ ਕੀਤਾ ਗਿਆ ਹੈ, ਜੋ ਈਸਟ ਐਡਮਿੰਟਨ ਨੇੜੇ ਬਣਿਆ ਹੈ। ਫੈਡਰਲ ਸਰਕਾਰ ਚਾਹੁੰਦੀ ਹੈ ਕਿ ਘਰਾਂ ਦੀਆਂ ਜ਼ਰੂਰਤਾਂ ਪੂਰੀਆਂ ਕਰਨ ਲਈ ਕੁਦਰਤੀ ਗੈਸ ਦੀ ਵਰਤੋਂ ਕੀਤੀ ਜਾਵੇ।
ਸ਼ੇਰਵੁੱਡ ਪਾਰਕ ਦੇ ਇਸ ਘਰ ਨੂੰ ਗਰਮ ਕਰਨ ਲਈ ਸੁਰੱਖਿਅਤ ਤਰੀਕੇ ਨਾਲ ਇਸ ਗੈਸ ਦੀ ਵਰਤੋਂ ਹੋ ਰਹੀ ਹੈ, ਜੋ ਕਿ ਸਾਫ਼ ਊਰਜਾ ਦੇ ਟੀਚੇ ਨੂੰ ਪੂਰਾ ਕਰਦਾ ਹੈ। ਇਸ ਨੂੰ ਲੋਕਾਂ ਦੇ ਘੁੰਮਣ ਲਈ ਖੋਲ੍ਹਿਆ ਗਿਆ ਹੈ।
ਇਹ ਘਰ ਇਲੈਕਟ੍ਰੀਸਿਟੀ ਅਤੇ ਕੁਦਰਤੀ ਗੈਸ ਉਪਯੋਗਤਾ ਕੰਪਨੀ ਐਟਕੋ ਅਤੇ ਰਿਹਾਇਸ਼ੀ ਡਿਵੈਲਪਰ ਦਾ ਸਾਂਝਾ ਪ੍ਰੋਜੈਕਟ ਹੈ। ਉਨ੍ਹਾਂ ਦਾ ਟੀਚਾ ਹੈ ਕਿ ਬ੍ਰੇਮਨਰ ਕਮਮਿਊਨਿਟੀ ਵਿਚ 37000 ਘਰਾਂ ਨੂੰ ਇਸੇ ਗੈਸ ਨਾਲ ਹੀਟ ਕੀਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਲੋਕ ਵਾਤਾਵਰਣ ਨੂੰ ਸਾਫ ਰੱਖਣ ਲਈ ਵਿਚਾਰ ਕਰ ਰਹੇ ਹਨ।
ਹਾਈਡ੍ਰੋਜਨ ਵਾਤਾਵਰਣ ਲਈ ਇਸ ਲਈ ਸੁਰੱਖਿਅਤ ਹੈ ਕਿਉਂਕਿ ਇਸ ਨਾਲ ਸਿੱਧੀ ਗ੍ਰੀਨ ਹਾਊਸ ਗੈਸ ਦੇ ਨਿਕਾਸ ਪੈਦਾ ਨਹੀਂ ਹੁੰਦੀ। ਸੂਬੇ ਵਿਚ ਹਵਾ ਅਤੇ ਸੂਰਜੀ ਊਰਜਾ ਤਿਆਰ ਕੀਤੀ ਜਾਂਦੀ ਹੈ ਪਰ ਸਰਦੀਆਂ ਵਿਚ ਇਸ ਨਾਲ ਘਰਾਂ ਦਾ ਗੁਜ਼ਾਰਾ ਨਹੀਂ ਹੁੰਦਾ।
