12.72C Vancouver 12.72C VancouverNov 7, 2024 3:03 PM - The Canadian Press
ਕੈਨੇਡਾ ਦਾ ਸਿਹਤ ਸੰਭਾਲ ਖਰਚ 2024 ਵਿਚ ਜੀ. ਡੀ. ਪੀ. ਦੇ 12.4 ਫੀਸਦੀ ਨੂੰ ਛੂਹ ਸਕਦਾ ਹੈ ਅਤੇ ਇਹ ਦੇਸ਼ ਦੇ ਇਤਿਹਾਸ ਵਿਚ ਪਹਿਲੀ ਵਾਰ ਹੋਵੇਗਾ। ਕੈਨੇਡੀਅਨ ਇੰਸਟੀਚਿਊਟ ਫਾਰ ਹੈਲਥ ਇਨਫਰਮੇਸ਼ਨ ਦੀ ਰਿਪੋਰਟ ਮੁਤਾਬਕ, ਇਸ ਸਾਲ ਕੁੱਲ ਸਿਹਤ ਸੰਭਾਲ ਖਰਚ $372 ਬਿਲੀਅਨ ਯਾਨੀ ਪ੍ਰਤੀ ਕੈਨੇਡੀਅਨ $9,054 ਤੱਕ ਪਹੁੰਚਣ ਦੀ ਉਮੀਦ ਹੈ।
ਹਾਲਾਂਕਿ, ਸਿਹਤ ਖ਼ਰਚ ਦਾ ਆਰਥਿਕ ਵਿਕਾਸ ਨੂੰ ਪਛਾੜਨਾ ਕੋਈ ਅਨੋਖੀ ਗੱਲ ਨਹੀਂ ਹੈ ਪਰ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕੈਨੇਡਾ ਦੀ ਵਧਦੀ ਆਬਾਦੀ ਅਤੇ ਬਜ਼ੁਰਗ ਹੁੰਦੀ ਜਨਸੰਖਿਆ ਕਾਰਨ ਅਗਲੇ ਕਈ ਸਾਲਾਂ ਤੱਕ ਇਹੀ ਸਥਿਤੀ ਬਣੀ ਰਹਿ ਸਕਦੀ ਹੈ।
2022 ਵਿਚ ਸਿਹਤ ਸੰਭਾਲ ’ਤੇ ਕੈਨੇਡਾ ਦਾ ਪ੍ਰਤੀ ਵਿਅਕਤੀ ਖ਼ਰਚ ਦੁਨੀਆ ਵਿਚ ਸਭ ਤੋਂ ਵੱਧ ਰਿਹਾ ਸੀ ਪਰ ਫਿਰ ਵੀ ਇਹ ਅਮਰੀਕਾ ਅਤੇ ਸਵੀਡਨ ਤੋਂ ਘੱਟ ਸੀ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕੈਨੇਡੀਅਨ ਡੈਂਟਲ ਅਤੇ ਫਾਰਮਾਕੇਅਰ ਯੋਜਨਾ ਹੈਲਥ-ਕੇਅਰ ਖਰਚ ਨੂੰ ਹੋਰ ਵਧਾ ਸਕਦੇ ਹਨ ਕਿਉਂਕਿ ਜੋ ਲੋਕ ਪਹਿਲਾਂ ਇਨ੍ਹਾਂ ਸੇਵਾਵਾਂ ਨੂੰ ਲੈ ਸਕਦੇ ਹਨ ਉਹ ਇਸ ਦਾ ਇਸਤੇਮਾਲ ਸ਼ੁਰੂ ਕਰ ਦੇਣਗੇ।
