14.24C Vancouver 14.24C VancouverFeb 9, 2024 3:36 PM - The Connect News
ਕੈਨੇਡਾ ਦੀ ਲੇਬਰ ਮਾਰਕਿਟ ਨੇ ਇਸ ਸਾਲ ਦੀ ਸ਼ੁਰੂਆਤ ਵੱਡੇ ਨੌਕਰੀ ਦੇ ਲਾਭ ਨਾਲ ਕੀਤੀ ਹੈ।
ਸਟੈਟਿਕਸ ਕੈਨੇਡਾ ਵਲੋਂ ਸ਼ੁੱਕਰਵਾਰ ਨੂੰ ਜਾਰੀ ਰਿਪੋਰਟ ਮੁਤਾਬਿਕ, ਜਨਵਰੀ ਦੌਰਾਨ ਕੈਨੇਡਾ ਦੀ ਆਰਥਿਕਤਾ ਵਿਚ 37,300 ਨੌਕਰੀਆਂ ਸ਼ਾਮਲ ਹੋਈਆਂ ਹਨ, ਪਰ ਇਸ ਦੌਰਾਨ ਘੰਟੇ ਦੀ ਤਨਖ਼ਾਹ ’ਚ ਵਾਧਾ ਹੌਲੀ ਹੋਇਆ ਹੈ, ਜਿਸ ਦੇ ਚੱਲਦੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਬੈਂਕ ਆਫ਼ ਕੈਨੇਡਾ ਆਉਣ ਵਾਲੇ ਮਹੀਨਿਆਂ ਵਿਚ ਵਿਆਜ਼ ਦਰ ਵਿਚ ਕਟੌਤੀ ’ਤੇ ਵਿਚਾਰ ਕਰਨਾ ਸ਼ੁਰੂ ਕਰ ਸਕਦਾ ਹੈ।
ਪਿਛਲੇ ਮਹੀਨੇ ਇਕ ਹੋਰ ਖਾਸ ਗੱਲ ਇਹ ਰਹੀ ਕਿ ਬੇਰੁਜ਼ਗਾਰੀ ਦਰ ਦਸੰਬਰ 2022 ਤੋਂ ਬਾਅਦ ਪਹਿਲੀ ਵਾਰ ਘਟੀ ਹੈ ਅਤੇ ਇਹ 5.7 ਫੀਸਦੀ ’ਤੇ ਆ ਚੁੱਕੀ ਹੈ।
ਦਸੰਬਰ ਵਿਚ ਬੇਰੁਜ਼ਗਾਰੀ ਦੀ ਦਰ 5.8 ਫੀਸਦੀ ’ਤੇ ਸੀ।
ਉਥੇ ਹੀ, ਜਨਵਰੀ ਮਹੀਨੇ ਸਥਾਈ ਕਰਮਚਾਰੀ ਲਈ ਔਸਤ ਘੰਟਾ ਤਨਖਾਹ ਵਾਧਾ 5.3 ਫੀਸਦੀ ਰਹੀ, ਜੋ ਦਸੰਬਰ ਵਿਚ 5.7 ਫੀਸਦੀ ਸੀ।
ਬੈਂਕ ਆਫ਼ ਕੈਨੇਡਾ ਆਰਥਿਕਤਾ ਦੀ ਹੈਲਥ ਤੇ ਮਹਿੰਗਾਈ ਦਾ ਅਨੁਮਾਨ ਲਗਾਉਣ ਲਈ ਰੁਜ਼ਗਾਰ ਡਾਟਾ ’ਤੇ ਬਾਰੀਕੀ ਨਜ਼ਰ ਰੱਖਦਾ ਹੈ।
ਨੌਕਰੀ ’ਚ ਉੱਚ ਲਾਭ ਅਤੇ ਤੇਜ਼ੀ ਨਾਲ ਤਨਖਾਹ ਵਾਧਾ ਮਹਿੰਗਾਈ ਵਧਾਉਣ ਦਾ ਸੰਕੇਤ ਦਿੰਦੇ ਹਨ, ਜਿਸ ਨਾਲ ਵਿਆਜ਼ ਦਰ ਵਿਚ ਕਟੌਤੀ ਮੁਸ਼ਕਲ ਹੁੰਦੀ ਹੈ।
ਹਾਲਾਂਕਿ, ਜਨਵਰੀ ਵਿਚ ਤਨਖਾਹ ਵਾਧਾ ਹੌਲੀ ਹੋਇਆ ਹੈ, ਲਿਹਾਜ਼ਾ ਬੈਂਕ ਆਫ ਕੈਨੇਡਾ ਦਰਾਂ ਲਈ ਹੋਲਡਿੰਗ ਪੈਟਰਨ ਜਾਰੀ ਰੱਖਦੇ ਹੋਏ ਇਸ ਵਿਚ ਕਟੌਤੀ ਦਾ ਵਿਚਾਰ ਸ਼ੁਰੂ ਕਰ ਸਕਦਾ ਹੈ।
