7.95C Vancouver 7.95C VancouverJun 11, 2022 12:12 AM - The Canadian Press
ਕੈਨੇਡਾ 'ਚ ਮੰਕੀਪੌਕਸ ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 112 ਤਕ ਪਹੁੰਚ ਗਈ ਹੈ।
ਅੱਜ ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਦੇਸ਼ 'ਚ ਮੰਕੀਪੌਕਸ ਮਾਮਲਿਆਂ ਸੰਬੰਧੀ ਅਪਡੇਟ ਸਾਂਝੀ ਕੀਤੀ।
ਉਨ੍ਹਾਂ ਦੱਸਿਆ ਕਿ ਹੁਣ ਤਕ ਇਸ ਬਿਮਾਰੀ ਦਾ ਬੀ.ਸੀ. 'ਚ ਇੱਕ ਮਾਮਲਾ ਰਿਪੋਰਟ ਹੋਇਆ ਹੈ।
ਉਨ੍ਹਾਂ ਜਾਣਕਾਰੀ ਦਿੱਤੀ ਕਿ ਐਲਬਰਟਾ 'ਚ ਮੰਕੀਪੌਕਸ ਦੇ 4 ਮਾਮਲੇ, ਔਂਟੈਰੀਓ 'ਚ 9 ਮਾਮਲੇ ਅਤੇ ਕਿਊਬੈਕ 'ਚ 98 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਡਾ. ਥਰੈਸਾ ਟੈਮ ਨੇ ਕਿਹਾ ਕਿ ਸਾਹਮਣੇ ਆਉਂਦੇ ਡਾਟਾ ਨੂੰ ਧਿਆਨ ਨਾਲ ਮੌਨੀਟਰ ਕੀਤਾ ਜਾ ਰਿਹਾ ਹੈ ਅਤੇ ਲੋੜ ਅਨੁਸਾਰ ਰਿਸਪਾਂਸ ਅਤੇ ਸਲਾਹ 'ਚ ਬਦਲਾਅ ਕੀਤਾ ਜਾਵੇਗਾ।
ਉਨ੍ਹਾਂ ਦੱਸਿਆ ਕਿ ਹੁਣ ਤਕ ਸਾਹਮਣੇ ਆਏ ਮਾਮਲਿਆਂ 'ਚ 20 ਤੋਂ 63 ਸਾਲ ਵਿਚਾਲੇ ਦੇ ਲੋਕ ਪੀੜਤ ਪਾਏ ਗਏ ਹਨ।
ਹੁਣ ਤਕ ਦੇਸ਼ 'ਚ ਰਿਪੋਰਟ ਹੋਏ ਇਸ ਬਿਮਾਰੀ ਦੇ ਸਾਰੇ ਮਾਮਲੇ ਪੁਰਸ਼ਾਂ 'ਚ ਰਿਪੋਰਟ ਹੋਏ ਹਨ ਅਤੇ ਇਸ 'ਚ ਵਧੇਰੇ ਮਾਮਲੇ ਅਜਿਹੇ ਹਨ ਜਿੱਥੇ ਹੋਰ ਪੁਰਸ਼ਾਂ ਨਾਲ ਸੈਕਸ਼ੂਅਲ ਕੰਟੈਕਟ ਸਥਾਪਿਤ ਕੀਤਾ ਗਿਆ ਸੀ।
ਹਾਲਾਂਕਿ ਡਾ. ਟੈਮ ਨੇ ਜੋਰ ਦਿੱਤਾ ਕਿ ਇਹ ਵਾਇਰਸ ਕਿਸੇ ਵੀ ਇੰਫੈਕਟਿਡ ਵਿਅਕਤੀ ਦੇ ਨਜਦੀਕੀ ਸੰਪਰਕ 'ਚ ਆਉਣ ਵਾਲੇ ਵਿਅਕਤੀ ਨੂੰ ਫੜ੍ਹ ਸਕਦਾ ਹੈ।
