14.99C Vancouver 14.99C VancouverDec 5, 2025 2:05 PM - Connect Newsroom - Ramandeep Kaur with files from The Canadian Press
ਕੈਨੇਡੀਅਨ ਅਰਥਵਿਵਸਥਾ ਨੇ ਨਵੰਬਰ ਵਿਚ 53,600 ਜੌਬਸ ਸ਼ਾਮਲ ਕੀਤੀਆਂ ਹਨ,ਇਹ ਅਮਰੀਕੀ ਟੈਰਿਫ ਕਾਰਨ ਸਲੌ ਹੋਈ ਗਤੀਵਿਧੀ ਵਿਚਕਾਰ ਅਰਥਸ਼ਾਸਤਰੀਆਂ ਦੀਆਂ ਉਮੀਦਾਂ ਦੇ ਉਲਟ ਲਗਾਤਾਰ ਤੀਜੇ ਮਹੀਨੇ ਹੈਰਾਨੀਜਨਕ ਵਾਧਾ ਹੈ। ਇਸ ਨਾਲ ਬੇਰੁਜ਼ਗਾਰੀ ਦਰ 16 ਮਹੀਨਿਆਂ ਦੇ ਹੇਠਲੇ ਪੱਧਰ 'ਤੇ ਆ ਗਈ ਹੈ।
ਸਟੈਟਿਸਟਿਕਸ ਕੈਨੇਡਾ ਵਲੋਂ ਸ਼ੁੱਕਰਵਾਰ ਨੂੰ ਜਾਰੀ ਰਿਪੋਰਟ ਮੁਤਾਬਕ,ਪਾਰਟ ਟਾਈਮ ਜੌਬ ਵਿਚ ਮਜ਼ਬੂਤ ਵਾਧੇ ਨੇ ਰੁਜ਼ਗਾਰ ਪ੍ਰਾਪਤ ਲੋਕਾਂ ਦੀ ਗਿਣਤੀ ਵਿਚ ਵਾਧਾ ਕੀਤਾ,ਜਿਸ ਨਾਲ ਪਿਛਲੇ ਮਹੀਨੇ ਬੇਰੁਜ਼ਗਾਰੀ ਦਰ ਡਿੱਗ ਕੇ 6.5 ਫੀਸਦੀ ਹੋ ਗਈ,ਜੋ ਜੁਲਾਈ 2024 ਤੋਂ ਬਾਅਦ ਸਭ ਤੋਂ ਘੱਟ ਹੈ ਅਤੇ ਅਕਤੂਬਰ ਦੇ 6.9 ਫੀਸਦੀ ਬੇਰੁਜ਼ਗਾਰੀ ਦਰ ਤੋਂ 0.4 ਫੀਸਦੀ ਅੰਕ ਦੀ ਗਿਰਾਵਟ ਹੈ।
ਅਰਥਸ਼ਾਸਤਰੀਆਂ ਨੇ ਨਵੰਬਰ ਵਿਚ ਰੁਜ਼ਗਾਰ ਵਿਚ 5,000 ਨੌਕਰੀਆਂ ਦੀ ਕਮੀ ਆਉਣ ਅਤੇ ਬੇਰੁਜ਼ਗਾਰੀ ਦਰ 7 ਫੀਸਦੀ ਤੱਕ ਵਧਣ ਦਾ ਅਨੁਮਾਨ ਲਗਾਇਆ ਸੀ। ਸਟੈਟਕੈਨ ਮੁਤਾਬਕ,ਕੁੱਲ ਮਿਲਾ ਕੇ ਅਰਥਵਿਵਸਥਾ ਨੇ ਸਤੰਬਰ ਅਤੇ ਨਵੰਬਰ ਵਿਚਕਾਰ 180,000 ਤੋਂ ਵੱਧ ਨੌਕਰੀਆਂ ਜੋੜੀਆਂ ਹਨ,ਜੋ ਕਿ ਸਾਲ ਪਹਿਲਾਂ ਦੇ ਮੁਕਾਬਲੇ ਨੌਕਰੀਆਂ ਵਿਚ ਵਾਧੇ ਦਾ ਸਭ ਤੋਂ ਮਜ਼ਬੂਤ ਤਿੰਨ ਮਹੀਨਿਆਂ ਦਾ ਪ੍ਰੀਰੀਅਡ ਹੈ। ਇਸ ਤਾਜ਼ਾ ਰਿਪੋਰਟ ਮਗਰੋਂ ਬੈਂਕ ਔਫ ਕੈਨੇਡਾ ਵਲੋਂ ਅਗਲੇ ਹਫ਼ਤੇ ਵਿਆਜ ਦਰ 2.25 ਫੀਸਦੀ 'ਤੇ ਸਥਿਰ ਰੱਖਣ ਦੀ ਉਮੀਦ ਕੀਤੀ ਜਾ ਰਹੀ ਹੈ।
