14C Vancouver 14C VancouverAug 28, 2021 12:17 AM -
ਟੋਕਿਓ ਵਿੱਚ ਖੇਡੇ ਜਾ ਰਹੇ ਪੈਰਾਲਿੰਪਿਕ ਖੇਡਾਂ 'ਚ ਕੈਨੇਡਾ ਨੂੰ ਤੀਜੇ ਦਿਨ 2 ਸਿਲਵਰ ਮੈਡਲ ਹਾਸਿਲ ਹੋਏ।
ਪੈਰਾਲਿੰਪਿਕ ਖੇਡਾਂ ਦੇ ਉਦਘਾਟਨ ਸਮਾਗਮ ਦੌਰਾਨ ਕੈਨੇਡਾ ਦੀ ਫਲੈਗ ਬੀਅਰਰ ਬਣੀ ਜੂਡੋਕਾ ਪ੍ਰਿਸਿਲਾ ਗਾਨੀਏ (Priscilla Gagne) ਨੇ ਕੈਨੇਡਾ ਲਈ ਚਾਂਦੀ ਦਾ ਤਗਮਾ ਜਿੱਤਿਆ।
ਉਨ੍ਹਾਂ ਜੂਡੋ ਦੇ 52kg ਭਾਰਵਰਗ 'ਚ ਇਹ ਮੈਡਲ ਦੇਸ਼ ਦੇ ਨਾਮ ਕੀਤਾ।
ਪ੍ਰਿਸਿਲਾ ਗਾਨੀਏ ਔਂਟੈਰੀਓ ਦੇ ਸਾਰਨੀਆ ਦੀ ਰਹਿਣ ਵਾਲੀ ਹੈ।
ਕੈਨੇਡਾ ਲਈ ਖੇਡਾਂ ਦੇ ਤੀਜੇ ਦਿਨ ਸਾਈਕਲਿਸਟ ਕੇਟ ਓ'ਬ੍ਰਾਇਨ ਨੇ ਵੀ ਸਿਲਵਰ ਮੈਡਲ ਜਿੱਤਿਆ।
ਔਰਤਾਂ ਦੀ ਸੀ-4 500 ਮੀਟਰ ਟਾਈਮ ਟ੍ਰਾਇਲ 'ਚ ਉਨ੍ਹਾਂ ਚਾਂਦੀ ਦਾ ਤਗਮਾ ਜਿੱਤਿਆ।
ਇਸ ਦੇ ਨਾਲ ਹੁਣ ਕੈਨੇਡਾ ਦੇ ਖਾਤੇ 'ਚ ਕੁੱਲ 6 ਤਗਮੇ ਆ ਚੁੱਕੇ ਹਨ।
ਹੁਣ ਤਕ ਕੈਨੇਡਾ ਨੂੰ 4 ਸਿਲਵਰ ਮੈਡਲ ਅਤੇ 2 ਕਾਂਸੀ ਦੇ ਤਗਮੇ ਹਾਸਿਲ ਹੋਏ ਹਨ।
ਇਸ ਰਹੇ 24 ਅਗਸਤ ਤੋਂ ਸ਼ੁਰੂ ਹੋਏ ਪੈਰਾਲਿੰਪਿਕਸ 5 ਸਿਤੰਬਰ ਨੂੰ ਖਤਮ ਹੋਣੇ ਹਨ।
