25.78C Vancouver 25.78C VancouverJun 8, 2021 7:22 PM -
ਕਨੇਡੀਅਨ ਆਰਮਡ ਫੋਰਸਿਸ ਦਾ ਕਹਿਣਾ ਹੈ ਕਿ ਬੀਤੇ ਸਾਲ 16 ਸਰਵਿਸ ਮੈਂਬਰਾਂ ਨੇ ਆਪਣੀ ਜਾਨ ਲੈ ਲਈ ਸੀ।
ਸਾਲ 2019 'ਚ ਰਿਪੋਰਟ ਹੋਈਆਂ 20 ਮਿਲਟਰੀ ਖੁਦਕੁਸ਼ੀਆਂ ਦੇ ਮੁਕਾਬਲੇ ਬੀਤੇ ਸਾਲ ਦੀਆਂ ਖੁਦਕੁਸ਼ੀਆਂ 'ਚ ਕੁਝ ਕਮੀ ਵੇਖੀ ਗਈ ਹੈ।
ਸਾਲ 2019 ਦੀਆਂ ਖੁਦਕੁਸ਼ੀਆਂ ਬੀਤੇ 5 ਸਾਲ ਦਾ ਸਭ ਤੋਂ ਵੱਡੀ ਖੁਦਕੁਸ਼ੀਆਂ ਦੀ ਗਿਣਤੀ ਸੀ।
ਹਾਲਾਂਕਿ ਬੀਤੇ ਇੱਕ ਦਹਾਕੇ 'ਚ ਮਿਲਟਰੀ 'ਚ ਖੁਦਕੁਸ਼ੀਆਂ ਦੀ ਗਿਣਤੀ 191 ਤਕ ਪਹੁੰਚ ਚੁੱਕੀ ਹੈ।
ਇਹ ਗਿਣਤੀ ਸਾਲ 2001 ਤੋਂ 2014 'ਚ ਅਫਗਾਨਿਸਤਾਨ 'ਚ ਸੇਵਾਵਾਂ ਨਿਭਾਉਂਦੇ ਹੋਏ ਜਾਨ ਗਵਾਉਣ ਵਾਲੇ ਮਿਲਟਰੀ ਦੇ ਲੋਕਾਂ ਤੋਂ ਵੀ ਵਧੇਰੇ ਹੈ।
ਅਫਗਾਨਿਸਤਾਨ 'ਚ ਕਰੀਬ 13 ਸਾਲ 'ਚ 158 ਸਰਵਿਸ ਮੈਂਬਰਾਂ ਦੀ ਜਾਨ ਗਈ ਸੀ।
ਮਿਲਟਰੀ ਕਮਾਂਡਰਾਂ ਨੇ ਮੈਂਬਰਾਂ ਦੀ ਮਾਨਸਿਕ ਸਿਹਤ ਬਾਰੇ ਚਿੰਤਾ ਜ਼ਾਹਿਰ ਕੀਤੀ ਹੈ।
ਯਾਦ ਰਹੇ ਬੀਤੇ ਹਫ਼ਤੇ ਮਿਲਟਰੀ ਦੇ ਐਕਟਿੰਗ ਡਿਫੈਂਸ ਚੀਫ਼, ਲਿਊਟਨੈਂਟ ਜਨਰਲ ਵੈਨ ਆਇਰ ਦਾ ਕਹਿਣਾ ਸੀ ਕਿ ਪੈਂਡੈਮਿਕ ਦੌਰਾਨ ਓਵਰਟਾਈਮ ਕੰਮ ਕਰਦੇ ਰਹਿਣ ਵਾਲੇ ਟਰੂਪਸ ਲਈ ਉਹ ਚਿੰਤਤ ਹਨ ਅਤੇ ਉਨ੍ਹਾਂ ਨੂੰ ਮਿਲਟਰੀ 'ਚ ਕਰੈਕ ਵਿਖਾਈ ਦੇ ਰਹੇ ਸਨ।
ਇੱਕ ਸਰਵੇਖਣ 'ਚ ਬੀਤੇ ਸਾਲ ਕਰੀਬ 20,000 ਆਰਮਡ ਫੋਰਸਿਸ ਮੈਂਬਰਾਂ ਵਿੱਚੋਂ ਇੱਕ-ਤਿਹਾਈ ਦਾ ਕਹਿਣਾ ਸੀ ਕਿ ਪੈਂਡੈਮਿਕ ਦਰਮਿਆਨ ਉਨ੍ਹਾਂ ਦੀ ਮਾਨਸਿਕ ਸਿਹਤ 'ਚ ਗਿਰਾਵਟ ਆਈ ਹੈ ਪਰ 10 ਵਿੱਚੋਂ ਸਿਰਫ ਇੱਕ ਨੂੰ ਹੀ ਕਿਸੇ ਪ੍ਰਕਾਰ ਦਾ ਕੇਅਰ ਹਾਸਿਲ ਹੋ ਸਕਿਆ ਸੀ।
