20.38C Vancouver 20.38C VancouverNov 16, 2023 7:42 PM - Connect News
ਕੈਨੇਡੀਅਨ ਬਾਰਡਰ ਗਾਰਡਸ ਵੱਲੋਂ ਮਾਰਚ ਵਿੱਚ ਇੱਕ ਟਰੱਕ ਵਿੱਚੋਂ 300 ਕਿਲੋ ਮੇਥਮਫਿਟਾਮੀਨਜ਼ ਡਰੱਗਜ਼ ਫੜੇ ਜਾਣ ਦੇ ਮਾਮਲੇ ਵਿੱਚ ਪੁਲਿਸ ਨੇ ਟੋਰਾਂਟੋ ਦੇ ਇੱਕ ਜੋੜ੍ਹੇ ਨੂੰ ਗ੍ਰਿਫਤਾਰ ਕੀਤਾ ਹੈ।
ਫੜੀ ਗਈ ਡਰੱਗਜ਼ ਦੀ ਮਾਰਕੀਟ ਵੈਲਿਊ $13 ਮਿਲੀਅਨ ਤੋਂ ਵੱਧ ਦੀ ਸੀ।
ਆਰਸੀਐੱਮਪੀ ਨੇ ਕਿਹਾ ਕਿ ਵਿੰਡਸਰ ਵਿੱਚ ਅੰਬੈਸਡਰ ਬ੍ਰਿਜ ਬਾਰਡਰ 'ਤੇ ਸੈਮੀ ਟਰੱਕ ਵਿੱਚੋਂ ਇਹ ਡਰੱਗ ਫੜ੍ਹੀ ਗਈ ਸੀ, ਬਾਰਡਰ ਏਜੰਟਸ ਨੇ ਡਰਾਈਵਰ ਨੂੰ ਮੌਕੇ 'ਤੇ ਗ੍ਰਿਫਤਾਰ ਕਰਕੇ ਪੁਲਿਸ ਹਵਾਲੇ ਕੀਤਾ, ਜਿਸ ਨੂੰ ਬਾਅਦ ਵਿੱਚ ਬਿਨਾਂ ਚਾਰਜਿਜ਼ ਦੇ ਰਿਹਾਅ ਕਰ ਦਿੱਤਾ ਗਿਆ ਅਤੇ ਇਸ ਮਗਰੋਂ ਇਸ ਦੀ ਜਾਂਚ ਆਰੰਭੀ ਗਈ, ਜਿਸ ਵਿੱਚ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਇਹ ਭਾਰੀ ਮਾਤਰਾ ਵਿੱਚ ਡਰੱਗ ਸਪਲਾਈ ਕਿੱਥੇ ਹੋਣੀ ਸੀ ਅਤੇ ਇਸ ਸ਼ਿਪਮੈਂਟ ਪਿੱਛੇ ਕਿਸ ਦਾ ਹੱਥ ਹੈ।
ਜਾਂਚ ਦੌਰਾਨ ਇਸ ਦੇ ਤਾਰ ਟੋਰਾਂਟੋ ਦੇ 33 ਸਾਲਾ ਨੌਜਵਾਨ ਅਤੇ 35 ਸਾਲਾ ਔਰਤ ਨਾਲ ਜੁੜੇ।
ਜਦੋਂ ਅਧਿਕਾਰੀਆਂ ਨੇ ਜੋੜ੍ਹੇ ਦੇ ਘਰ ਰੇਡ ਮਾਰੀ ਤਾਂ ਉੱਥੋਂ 100 ਕਿਲੋ ਮੇਥਮਫਿਟਾਮੀਨਜ਼, ਕਿਲੋ ਅਫੀਮ ਅਤੇ ਹੋਰ ਨਸ਼ੇ ਬਰਾਮਦ ਕੀਤੇ ਗਏ।
ਪੁਲਿਸ ਨੇ ਫਿਲਹਾਲ ਉਨ੍ਹਾਂ ਦੇ ਨਾਵਾਂ ਦਾ ਖੁਲਾਸਾ ਨਹੀਂ ਕੀਤਾ ਪਰ ਕਿਹਾ ਕਿ ਦੋਵੇਂ ਜਾਣੇ ਨਸ਼ੇ ਅਤੇ ਮਨੀ ਲਾਂਡਰਿੰਗ ਨਾਲ ਸਬੰਧਤ ਕਈ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਹਨ।
