13.69C Vancouver 13.69C VancouverApr 15, 2020 3:47 PM -
ਕੈਨੇਡਾ ਬਾਰਡਰ ਸਰਵਿਸਜ਼ ਏਜੇਂਸੀ ਮੁਤਾਬਕ ਕੈਨੇਡਾ ਅਮਰੀਕਾ ਦੇ ਕੁਝ ਬਾਰਡਰ ਟ੍ਰੈਫਿਕ ਵਿੱਚ ਗਿਰਾਵਟ ਕਾਰਣ ਹੁਣ ਦਿਨ ਵਿੱਚ ਘੱਟ ਸਮੇਂ ਲਈ ਖੁੱਲੇ ਰਹਿਣਗੇ।
ਇਹ ਤਬਦੀਲੀਆਂ 27 ਥਾਵਾਂ ਤੇ ਕੀਤੀਆਂ ਜਾ ਰਹੀਆਂ ਹਨ ਜਿਨ੍ਹਾਂ ਵਿੱਚੋਂ 3 ਬਾਰਡਰ ਬ੍ਰਿਟਿਸ਼ ਕੋਲੰਬੀਆ ਵਿੱਚ, 2 ਐਲਬਰਟਾ, 8 ਸਸਕੈਚਵਨ, 6 ਮੈਨੀਟੋਬਾ ਅਤੇ 8 ਕਿਊਬੈੱਕ ਵਿੱਚ ਹਨ।
ਪੱਛਮੀ ਬਾਰਡਰ ਅਤੇ ਦੋ ਕਿਊਬੈਕ ਦੇ ਬਾਰਡਰ ਹੁਣ ਦੇਰੀ ਨਾਲ ਖੁੱਲ੍ਹਣਗੇ ਅਤੇ ਜਲਦੀ ਬੰਦ ਕਰ ਦਿੱਤੇ ਜਾਣਗੇ।
ਕਿਊਬੈਕ ਦੇ 6 ਹੋਰ ਪੋਰਟ ਜੋ ਆਮ ਤੌਰ ਤੇ 24 ਘੰਟੇ ਖੁੱਲ੍ਹੇ ਰਹਿੰਦੇ ਹਨ ਹੁਣ ਸਵੇਰ ਦੇ 8 ਵਜੇ ਤੋਂ ਲੈ ਕੇ ਰਾਤ ਦੇ 8 ਵਜੇ ਤੱਕ ਖੁੱਲ੍ਹੇ ਰਹਿਣਗੇ।
ਕੈਨੇਡਾ ਬਾਰਡਰ ਸਰਵਿਸਿਜ਼ ਮੁਤਾਬਕ ਕੋਵਿਡ-19 ਦੇ ਚੱਲਦਿਆਂ ਹੋਣ ਵਾਲੀਆਂ ਇਹ ਤਬਦੀਲੀਆਂ ਬੁੱਧਵਾਰ ਅੱਧੀ ਰਾਤ ਤੋਂ ਕੀਤੀਆਂ ਜਾ ਰਹੀਆਂ ਹਨ।
ਕੈਨੇਡਾ ਅਤੇ ਅਮਰੀਕਾ ਵਿਚਕਾਰ ਗੈਰ ਜ਼ਰੂਰੀ ਯਾਤਰਾ ਉੱਤੇ ਕਰੋਨਾਵਾਇਰਸ ਕਾਰਨ ਪਾਬੰਦੀ ਲਾਈ ਗਈ ਹੈ।
