18.8C Vancouver 18.8C VancouverJun 30, 2021 10:28 PM -
ਕਨੇਡੀਅਨ ਮੁੱਕੇਬਾਜ਼ ਮੈਂਡੀ ਬੁਜੋਲਡ ਨੇ 'ਕੋਰਟ ਆਫ ਆਰਬਿਟ੍ਰੇਸ਼ਨ ਫੌਰ ਸਪੋਰਟ' ਵਿੱਚ ਆਪਣੀ ਅਪੀਲ ਜਿੱਤ ਲਈ ਹੈ।
ਇਸ ਦੇ ਨਾਲ ਹੀ ਹੁਣ ਇਸ ਕਨੇਡੀਅਨ ਮੁੱਕੇਬਾਜ਼ ਨੂੰ ਟੋਕੀਓ ਓਲੰਪਿਕਸ ਦਾ ਟਿਕਟ ਹਾਸਿਲ ਹੋ ਗਿਆ ਹੈ।
ਕੋਰਟ ਨੇ ਆਪਣੇ ਫੈਸਲੇ 'ਚ ਕਿਹਾ ਕਿ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਦੀ ਬੌਕਸਿੰਗ ਟਾਸਕ ਫੋਰਸ ਨੂੰ ਅਜਿਹੀਆਂ ਔਰਤਾਂ ਲਈ ਅਕੌਮੋਡੇਸ਼ਨ ਸਥਾਪਿਤ ਕਰਨੀ ਚਾਹੀਦੀ ਹੈ ਜੋ ਕਿ ਕੁਆਲੀਫਾਇੰਗ ਪੀਰੀਅਡ ਦੌਰਾਨ ਗਰਭਵਤੀ ਸਨ ਜਾਂ ਪੋਸਟਪਾਰਟਮ ਦੌਰ 'ਚ ਸਨ।
ਬੁਜੌਲਡ ਨੂੰ ਸਾਬਕਾ ਹੈਵੀਵੇਟ ਚੈਂਪੀਅਨ ਲੀਨੌਕਸ ਲਿਊਇਸ ਅਤੇ ਹੈਰੀਟੇਜ ਮੰਤਰੀ ਸਟੀਵਨ ਗਿਬੌਲਟ ਦਾ ਸਹਿਯੋਗ ਵੀ ਹਾਸਿਲ ਹੋਇਆ ਸੀ।
ਇਸ ਤੋਂ ਇਲਾਵਾ ਕਨੇਡੀਅਨ ਓਲੰਪਿਕ ਕਮੇਟੀ ਅਤੇ ਬੌਕਸਿੰਗ ਕੈਨੇਡਾ ਨੇ ਵੀ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਕੋਲ ਬੁਜੌਲਡ ਦਾ ਪੱਖ ਰੱਖਿਆ ਸੀ।
ਔਂਟੈਰੀਓ ਦੇ ਕਿਚਨਰ ਇਲਾਕੇ ਦੀ 33 ਸਾਲਾ ਮੁੱਕੇਬਾਜ਼ 11 ਵਾਰ ਦੀ ਕਨੇਡੀਅਨ ਫਲਾਈਵੇਟ ਚੈਂਪੀਅਨ ਹੈ।
ਉਨ੍ਹਾਂ ਸਾਲ 2016 ਦੇ ਰਿਓ ਓਲੰਪਿਕਸ ਵਿੱਚ ਕੁਆਟਰਫਾਈਨਲ ਤਕ ਦਾ ਰਸਤਾ ਤੈਅ ਕੀਤਾ ਸੀ।
