10.35C Vancouver 10.35C VancouverFeb 21, 2020 4:34 PM -
ਜਪਾਨ ਵਿੱਚ ਸਮੁੰਦਰੀ ਜਹਾਜ਼ ਡਾਇਮੰਡ ਪ੍ਰਿੰਸੈਸ ਤੇ ਦੋ ਹਫ਼ਤੇ ਕੁਆਰੰਟੀਨ ਵਿੱਚ ਗੁਜ਼ਾਰਨ ਤੋਂ ਬਾਅਦ ਦੋ 129 ਕਨੇਡੀਅਨ ਯਾਤਰੀ ਓਨਟਾਰਿਓ ਪਹੁੰਚ ਗਏ ਹਨ।
ਟ੍ਰੇੰਟਨ ਦੇ ਕਨੇਡੀਅਨ ਫੋਰਸਿਜ਼ ਬੇਸ ਵਿਖੇ ਇਨ੍ਹਾਂ ਸਭ ਵਿਅਕਤੀਆਂ ਦੀ ਸਕਰੀਨਿੰਗ ਕਰਨ ਤੋਂ ਬਾਅਦ ਇਨ੍ਹਾਂ ਨੂੰ ਕੋਰਨਵਾਲ ਲੈ ਜਾਂਦਾ ਗਿਆ ਜਿੱਥੇ ਇਹ ਦੋ ਹਫਤੇ ਵਾਸਤੇ ਨੈਵ ਸੈਂਟਰ ਵਿੱਚ ਕੁਆਰੰਟੀਨ ਰੱਖੇ ਜਾਣਗੇ।
ਪਬਲਿਕ ਹੈਲਥ ਏਜੇਂਸੀ ਆਫ ਕੈਨੇਡਾ ਮੁਤਾਬਕ, ਟੋਕਿਯੋ ਤੋਂ ਪਹੁੰਚੇ ਚਾਰਟਰ ਹਵਾਈ ਜਹਾਜ਼ ਵਿੱਚ ਕੁੱਲ 151 ਵਿਅਕਤੀ ਸਨ ਜਿਨ੍ਹਾਂ ਵਿੱਚ ਜਹਾਜ਼ ਤੇ ਕੰਮ ਕਰ ਰਿਹਾ ਕਰੂ ਅਤੇ ਸਿਹਤ ਅਧਿਕਾਰੀ ਵੀ ਸ਼ਾਮਲ ਹਨ।
ਡਾਇਮੰਡ ਪ੍ਰਿੰਸੈਸ ਤੇ ਕੋਵਿੱਡ-19 ਤੋਂ ਪੀੜਤ ਪਾਏ ਗਏ 634 ਯਾਤਰੀਆਂ ਵਿੱਚ, 47 ਕਨੇਡੀਅਨ ਹਨ ਜਿਨ੍ਹਾਂ ਦਾ ਇਲਾਜ ਜਪਾਨ ਦੇ ਹਸਪਤਾਲਾਂ ਵਿੱਚ ਚੱਲ ਰਿਹਾ ਹੈ।
7 ਫਰਵਰੀ ਨੂੰ ਵੁਹਾਨ, ਚੀਨ ਤੋਂ ਲਿਆਏ ਗਏ ਅਤੇ ਕਨੇਡੀਅਨ ਫੋਰਸਿਜ਼ ਬੇਸ ਤੇ ਪਿੱਛਲੇ ਦੋ ਹਫਤਿਆਂ ਤੋਂ ਕੁਆਰੰਟੀਨ ਵਿੱਚ ਰਹਿ ਰਹੇ ਵਿਅਕਤੀ ਅੱਜ ਘਰ ਜਾ ਸਕਣਗੇ।
