19.75C Vancouver 19.75C VancouverMay 29, 2025 2:37 PM - The Canadian Press
ਐਲਬਰਟਾ ਸਰਕਾਰ ਵਲੋਂ ਟਰਾਂਸਜੈਂਡਰ ਯੂਥ ਦੇ ਮੈਡੀਕਲ ਇਲਾਜ ਨੂੰ ਰੋਕਣ ਵਾਲੇ ਫੈਸਲੇ ਦੇ ਵਿਰੋਧ ਵਿਚ ਕੈਨੇਡੀਅਨ ਡੌਕਟਰਜ਼ ਦੇ ਗਰੁੱਪ ਨੇ ਚੁਣੌਤੀ ਦਿੱਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਆਜ਼ਾਦੀ ਦੇ ਹੱਕ ਦੀ ਉਲੰਘਣਾ ਹੈ। ਕੈਨੇਡੀਅਨ ਮੈਡੀਕਲ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਅਦਾਲਤੀ ਚੁਣੌਤੀ ਦਾ ਉਦੇਸ਼ ਮਰੀਜ਼ਾਂ ਅਤੇ ਡਾਕਟਰਾਂ ਵਿਚਕਾਰ ਸਬੰਧਾਂ ਦੀ ਰੱਖਿਆ ਕਰਨਾ ਹੈ, ਕਿਉਂਕਿ ਇਲਾਜ ਦਾ ਫੈਸਲਾ ਉਨ੍ਹਾਂ ਦਾ ਹੀ ਹੁੰਦਾ ਹੈ। ਸੂਬੇ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਇਹ ਬਿੱਲ ਪਾਸ ਕੀਤਾ ਸੀ, ਜਿਸ ਕਾਰਨ ਟਰਾਂਸਜੈਂਡਰ ਕਮਿਊਨਿਟੀ ਵਿਰੋਧ ਕਰ ਰਹੀ ਹੈ।
ਸਮਿਥ ਦਾ ਕਹਿਣਾ ਹੈ ਕਿ ਉਹ ਚਾਹੁੰਦੇ ਹਨ ਕਿ ਬੱਚੇ ਬਚਪਨ ਵਿਚ ਜ਼ਿੰਦਗੀ ਭਰ ਦਾ ਫੈਸਲਾ ਨਾ ਲੈਣ ਉਨ੍ਹਾਂ ਨੂੰ ਥੋੜ੍ਹੀ ਵੱਡੀ ਉਮਰ ਵਿਚ ਇਹ ਫੈਸਲਾ ਲੈਣਾ ਚਾਹੀਦਾ ਹੈ। ਐਸੋਸੀਏਸ਼ਨ ਦੇ ਮੁਖੀ ਡਾ. ਜੋਸ ਰਾਈਮਰ ਨੇ ਕਿਹਾ ਕਿ ਸਰਕਾਰ ਡੌਕਟਰਜ਼ ਦੇ ਇਸ ਕੰਮ ਵਿਚ ਦਖ਼ਲ ਦੇ ਰਹੀ ਹੈ। ਕੈਲਗਰੀ ਦੇ ਡਾ. ਜੇਕ ਡੋਨਾਲਡਸਨ ਦਾ ਕਹਿਣਾ ਹੈ ਕਿ ਸਰਕਾਰ ਨੇ ਇਸ ਕਾਨੂੰਨ ਨਾਲ ਡੌਕਟਰਜ਼ ਨੂੰ ਨੈਤਿਕ ਸੰਕਟ ਦੀ ਸਥਿਤੀ ਵਿੱਚ ਪਾ ਦਿੱਤਾ ਹੈ। ਉਹ ਚਾਹੁੰਦੇ ਹੋਏ ਵੀ ਮਰੀਜ਼ਾਂ ਨੂੰ ਇਲਾਜ ਨਹੀਂ ਦੇ ਸਕਦੇ।
