13.48C Vancouver 13.48C VancouverJun 19, 2025 2:38 PM - The Canadian Press
ਕੈਨੇਡਾ ਦੀ ਫੂਡ ਜਾਂਚ ਏਜੰਸੀ ਦਾ ਕਹਿਣਾ ਹੈ ਕਿ ਚਿਲੀਵੈਕ ਦੇ ਵਪਾਰਕ ਕਬੂਤਰ ਅਹਾਤੇ ਵਿਚ ਕਬੂਤਰਾਂ ਵਿਚ ਨਿਊਕੈਸਲ ਦੀ ਬਿਮਾਰੀ ਪਾਈ ਗਈ ਹੈ। ਇਸ ਕਾਰਨ ਇਨ੍ਹਾਂ ਪੰਛੀਆਂ ਨੂੰ ਮਾਰਨਾ ਪੈ ਸਕਦਾ ਹੈ ਅਤੇ ਜਿੱਥੇ ਇਨ੍ਹਾਂ ਨੂੰ ਰੱਖਿਆ ਜਾਂਦਾ ਹੈ,ਉਹ ਥਾਂ ਚੰਗੀ ਤਰ੍ਹਾਂ ਸਾਫ ਕਰਨੀ ਪਵੇਗੀ। ਇਸ ਕਾਰਨ ਇਨਸਾਨਾਂ ਨੂੰ ਗੁਲਾਬੀ ਅੱਖਾਂ ਹੋਣ ਦੀ ਬੀਮਾਰੀ ਹੋ ਸਕਦੀ ਹੈ। ਇਹ ਵਾਇਰਸ ਜੰਗਲੀ ਅਤੇ ਘਰੇਲੂ ਪੰਛੀਆਂ ਦੋਵਾਂ ਨੂੰ ਪ੍ਰਭਾਵਿਤ ਕਰਦਾ ਹੈ।
ਏਜੰਸੀ ਮੁਤਾਬਕ ਵਾਇਰਸ ਦਾ ਪ੍ਰਭਾਵ ਹਲਕਾ ਹੋਵੇ ਤਾਂ ਇਹ ਘਰੇਲੂ ਪੋਲਟਰੀ ਅਤੇ ਕਬੂਤਰਾਂ ਨੂੰ ਘੱਟ ਪ੍ਰਭਾਵਿਤ ਕਰਦੇ ਹਨ ਪਰ ਜੇਕਰ ਇਹ ਵਧੇਰੇ ਫੈਲਦਾ ਹੈ ਤਾਂ ਪੰਛੀਆਂ ਨੂੰ ਮਾਰਨਾ ਪਵੇਗਾ। ਇਸ ਬੀਮਾਰੀ ਕਾਰਨ ਘਰੇਲੂ ਪੰਛੀਆਂ ਦੇ ਆਂਡੇ ਪੈਦਾ ਕਰਨ ਦੀ ਸਮਰੱਥਾ ਵੀ ਘੱਟਦੀ ਹੈ,ਇਸ ਕਾਰਨ ਕਈ ਪੰਛੀਆਂ ਦੀ ਅਚਾਨਕ ਮੌਤ ਹੋ ਜਾਂਦੀ ਹੈ।
ਕਈ ਪੰਛੀਆਂ ਦੇ ਪਰ ਝੜ ਜਾਂਦੇ ਹਨ ਅਤੇ ਉਹ ਉੱਡਣ ਦੇ ਅਸਮਰੱਥ ਹੋ ਜਾਂਦੇ ਹਨ। ਇਸ ਲਈ ਹਮੇਸ਼ਾ ਦਸਤਾਨੇ ਪਾ ਕੇ ਹੀ ਇਨ੍ਹਾਂ ਪੰਛੀਆਂ ਨੂੰ ਹੱਥ ਲਾਉਣਾ ਚਾਹੀਦਾ ਹੈ। ਦੱਸ ਦਈਏ ਕਿ 1990 ਤੋਂ ਪਹਿਲਾਂ ਇਸ ਬੀਮਾਰੀ ਕਾਰਨ ਜੰਗਲੀ ਪੰਛੀਆਂ ਦੀ ਮੌਤ ਬਹੁਤ ਘੱਟ ਹੁੰਦੀ ਸੀ।
