21.82C Vancouver 21.82C VancouverJul 10, 2025 6:31 PM - Connect Newsroom
ਕੈਨੇਡਾ ਸਰਕਾਰ ਨੇ ਕਾਰ ਡੀਲਰਾਂ ਨੂੰ ਇਲੈਕਟ੍ਰਿਕ ਵਾਹਨ ਸਬਸਿਡੀਆਂ ਦੀ ਭਰਪਾਈ ਕਰਨ ਦਾ ਫੈਸਲਾ ਕੀਤਾ ਹੈ। ਦਰਅਸਲ, ਜਨਵਰੀ ਵਿਚ ਫੈਡਰਲ ਸਰਕਾਰ ਵਲੋਂ ਸਬਸਿਡੀ ਪ੍ਰੋਗਰਾਮ ਅਚਾਨਕ ਬੰਦ ਕਰਨ ਤੋਂ ਪਹਿਲਾਂ ਕਾਰ ਡੀਲਰਾਂ ਨੇ ਗ੍ਰਾਹਕਾਂ ਨੂੰ ਸਬਸਿਡੀ ਅਨੁਸਾਰ ਛੋਟ ਦਿੱਤੀ ਸੀ।
ਇਸ ਪ੍ਰੋਗਰਾਮ ਦੇ ਬੰਦ ਹੋਣ ਦੇ ਲਗਭਗ 6 ਮਹੀਨੇ ਬਾਅਦ ਹੁਣ ਟ੍ਰਾਂਸਪੋਰਟ ਕੈਨੇਡਾ ਆਪਣੇ ਕਲੇਮ ਸਿਸਟਮ ਨੂੰ ਫਿਰ ਤੋਂ ਖੋਲ੍ਹ ਰਿਹਾ ਹੈ ਤਾਂ ਕਿ ਡੀਲਰਸ਼ਿਪ ਗ੍ਰਾਹਕਾਂ ਨੂੰ ਦਿੱਤੀ ਗਈ ਛੋਟ ਵਾਪਸ ਪਾ ਸਕਣ। ਅਮਰੀਕੀ ਇਲੈਕਟ੍ਰਿਕ ਕਾਰ ਕੰਪਨੀ ਟੇਸਲਾ ਵਲੋਂ ਘੱਟ ਸਮੇਂ ਵਿਚ ਲੱਖਾਂ ਡਾਲਰ ਦੇ ਸਬਸਿਡੀ ਕਲੇਮ ਦਾਇਰ ਕਰਨ ਮਗਰੋਂ ਔਟਵਾ ਨੇ ਇਸ ਪ੍ਰੋਗਰਾਮ ਨੂੰ ਬੰਦ ਕਰ ਦਿੱਤਾ ਸੀ।
ਸਰਕਾਰ ਦਾ ਕਹਿਣਾ ਸੀ ਕਿ ਸਕੀਮ ਲਈ ਨਿਰਾਧਰਤ ਕੀਤਾ ਗਿਆ ਫੰਡ ਖ਼ਤਮ ਹੋ ਗਿਆ ਹੈ। ਹੁਣ ਤੱਕ ਸਰਕਾਰ ਨੇ ਇਹ ਪੁਸ਼ਟੀ ਨਹੀਂ ਕੀਤੀ ਹੈ ਕਿ ਉਹ ਮੌਜੂਦਾ ਕਾਰ ਖਰੀਦਦਾਰਾਂ ਨੂੰ ਇਲੈਕਟ੍ਰਿਕ ਵਾਹਨਾਂ ਲਈ ਉਤਸ਼ਾਹਤ ਕਰਨ ਵਾਸਤੇ ਨਵਾਂ ਪ੍ਰੋਗਰਾਮ ਮੁੜ ਸ਼ੁਰੂ ਕਰਨ ਦੇ ਆਪਣੇ ਵਾਅਦੇ ਨੂੰ ਕਦੋਂ ਪੂਰਾ ਕਰੇਗੀ।
