30.85C Vancouver 30.85C VancouverJun 17, 2021 7:21 PM -
ਕੈਨੇਡਾ ਸਰਕਾਰ ਵੱਲੋਂ $29 ਮਿਲੀਅਨ ਦਾ ਨਿਵੇਸ਼ ਕੀਤਾ ਜਾ ਰਿਹਾ ਹੈ।
ਇਸ ਦੇ ਨਾਲ ਰੈਸਪੀਰੇਟਰਸ ਅਤੇ ਸਰਜਿਕਲ ਮਾਸਕਸ ਦੀ ਘਰੇਲੂ ਪ੍ਰੋਡਕਸ਼ਨ ਵਧਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਅਜਿਹਾ ਇਸਲਈ ਕੀਤਾ ਜਾ ਰਿਹਾ ਹੈ ਕਿ ਭਵਿੱਖ ਵਿੱਚ ਕਿਸੇ ਪੈਂਡੈਮਿਕ ਨਾਲ ਨਜਿੱਠਣ ਲਈ ਤਿਆਰੀ ਰੱਖੀ ਜਾ ਸਕੇ।
ਇਹ ਫੰਡਿੰਗ $38.7 ਮਿਲੀਅਨ ਦੇ ਪ੍ਰੋਜੈਕਟ ਦਾ ਹਿੱਸਾ ਹੈ ਜੋ ਕਿ ਮੌਂਟਰੀਅਲ ਦੀ ਮੈਲਟੈਕ ਇਨੋਵੇਸ਼ਨ ਕੈਨੇਡਾ ਇੰਕ. ਦੇ ਨਾਲ ਸੰਬੰਧਤ ਹੈ।
ਇਹ ਕੰਪਨੀ ਨਿੱਜੀ ਸੁਰੱਖਿਆ ਉਪਕਰਨ ਅਤੇ ਸੇਫਟੀ ਪ੍ਰੋਡਕਟਸ ਬਣਾਉਣ ਦੀ ਮਾਹਿਰ ਹੈ।
ਇਨੋਵੇਸ਼ਨ ਮੰਤਰੀ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਦਾ ਕਹਿਣਾ ਹੈ ਕਿ ਇਸ ਫੰਡਿੰਗ ਆਸਰੇ ਪੁਖਤਾ ਕੀਤਾ ਜਾ ਸਕੇਗਾ ਕਿ ਕਨੇਡੀਅਨ ਫਰੰਟਲਾਈਨ ਵਰਕਰਾਂ ਤਕ ਇਕਵਿਪਮੈਂਟ ਦੀ ਭਰੋਸੇਯੋਗ ਸਪਲਾਈ ਜਾਰੀ ਰਹੇ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਹੀ ਕਿਊਬੈਕ 'ਚ ਜੌਬਸ ਵਿੱਚ ਵਾਧਾ ਹੋਵੇਗਾ।
ਉਨ੍ਹਾਂ ਦੱਸਿਆ ਕਿ ਮੈਲਟੈਕ ਇਨੋਵੇਸ਼ਨ ਵੱਲੋਂ ਮੌਂਟਰੀਅਲ 'ਚ ਇੱਕ ਨਵੀਂ ਫੈਕਟਰੀ ਸਥਾਪਿਤ ਕੀਤੀ ਜਾਵੇਗੀ।
