10.28C Vancouver 10.28C VancouverNov 14, 2023 6:56 PM - The Canadian Press
ਕੈਨੇਡੀਅਨ ਸਿਹਤ ਸੰਸਥਾਵਾਂ ਨੇ ਫੈਡਰਲ ਸਰਕਾਰ ਨੂੰ ਫਲੇਵਰਡ ਨਿਕੋਟੀਨ ਪ੍ਰੋਡਕਟਸ 'ਤੇ ਕਾਰਵਾਈ ਕਰਨ ਦੀ ਅਪੀਲ ਕੀਤੀ ਹੈ।
ਕੈਨੇਡੀਅਨ ਕੈਂਸਰ ਸੁਸਾਇਟੀ ਸਮੇਤ ਹੋਰ ਸੰਸਥਾਵਾਂ ਦਾ ਕਹਿਣਾ ਹੈ ਕਿ ਨਿਕੋਟੀਨ ਪ੍ਰੋਡਕਟਸ ਬੱਚਿਆਂ ਲਈ ਗੰਭੀਰ ਖ਼ਤਰਾ ਹਨ ਕਿਉਂਕਿ ਇਹ ਬਹੁਤ ਜ਼ਿਆਦਾ ਨਸ਼ਾ ਕਰਨ ਵਾਲੀ ਦਵਾਈ ਹੈ।
ਕੈਨੇਡੀਅਨ ਕੈਂਸਰ ਸੁਸਾਇਟੀ ਦੇ ਸੀਨੀਅਰ ਨੀਤੀ ਵਿਸ਼ਲੇਸ਼ਕ ਰੌਬ ਕਨਿੰਘਮ ਨੇ ਕਿਹਾ ਕਿ ਕੈਨੇਡਾ ਵਿੱਚ 100 ਤੋਂ ਵੱਧ ਸਾਲਾਂ ਵਿੱਚ ਇਹ ਪਹਿਲੀ ਵਾਰ ਹੈ ਜਦੋਂ ਨਿਕੋਟੀਨ ਪ੍ਰੋਡਕਟਸ ਨੂੰ ਬੱਚਿਆਂ ਲਈ ਵੇਚਣਾ ਕਾਨੂੰਨੀ ਕੀਤਾ ਗਿਆ ਹੈ।
ਹੈਲਥ ਕੈਨੇਡਾ ਨੇ 12 ਅਕਤੂਬਰ ਨੂੰ ਫਲੇਵਰਡ ਨਿਕੋਟੀਨ ਪਾਊਚ ਲਈ ਮਨਜ਼ੂਰੀ ਦਿੱਤੀ ਸੀ ਜਿਸ 'ਤੇ ਸਿਹਤ ਸੰਸਥਾਵਾਂ ਨੇ ਸਖ਼ਤ ਪ੍ਰਤੀਕਰਮ ਦਿੰਦੇ ਹੋਏ ਸਰਕਾਰ ਨੂੰ ਨਿਯਮ ਕਰੜੇ ਕਰਨ ਦੀ ਮੰਗ ਕੀਤੀ ਹੈ।
ਸਿਹਤ ਸੰਸਥਾਵਾਂ ਦਾ ਕਹਿਣਾ ਹੈ ਕਿ ਇਸ ਕਦਮ ਦਾ ਵਿਨਾਸ਼ਕਾਰੀ ਨਤੀਜਾ ਇਹ ਹੋਵੇਗਾ ਕਿ ਨੌਜਵਾਨ ਨਿਕੋਟੀਨ ਦੀ ਲੱਤ ਵਿੱਚ ਫਸ ਜਾਣਗੇ।
ਕੈਨੇਡੀਅਨ ਲੰਗ ਐਸੋਸੀਏਸ਼ਨ ਦੇ ਪ੍ਰਧਾਨ ਅਤੇ ਸੀਈਓ ਟੈਰੀ ਡੀਨ ਨੇ ਕਿਹਾ ਕਿ ਨਿਕੋਟੀਨ ਪ੍ਰੋਡਕਟਸ ਬਾਰੇ ਸਰਕਾਰ ਨੂੰ ਇਸ 'ਤੇ ਮੁੜ ਵਿਚਾਰ ਕਰਨਾ ਚਾਹੀਦਾ ਹੈ।
