12.54C Vancouver 12.54C VancouverDec 14, 2023 7:42 PM - The Canadian Press
ਕੈਨੇਡਾ ਦੀ ਹਾਊਸਿੰਗ ਮਾਰਕੀਟ ਵਿੱਚ ਨਵੰਬਰ ਵਿੱਚ ਫਿਰ ਤੋਂ ਸੁਸਤੀ ਦਰਜ ਹੋਈ ਹੈ।ਕੈਨੇਡੀਅਨ ਰੀਅਲ ਅਸਟੇਟ ਐਸੋਸੀਏਸ਼ਨ ਨੇ ਵੀਰਵਾਰ ਨੂੰ ਕਿਹਾ ਵਿਕਰੀ ਗਤੀਵਿਧੀ ਮਹੀਨਾ-ਦਰ-ਮਹੀਨਾ ਲਗਭਗ ਇੱਕ ਫੀਸਦੀ ਪੁਆਇੰਟ ਹੌਲੀ ਰਹੀ। ਸੇਲਰ 2024 ਵਿੱਚ ਗਤੀਵਿਧੀ ਵਧਣ ਦੀ ਉਮੀਦ ਕਰ ਰਹੇ ਹਨ।
ਐਸੋਸੀਏਸ਼ਨ ਨੇ ਕਿਹਾ ਕਿ ਨਵੇਂ ਸੂਚੀਬੱਧ ਘਰਾਂ ਦੀ ਗਿਣਤੀ ਵੀ ਲਗਾਤਾਰ ਦੂਜੇ ਮਹੀਨੇ ਘਟੀ ਹੈ। ਇਸ ਦੇ ਸੀਨੀਅਰ ਅਰਥ ਸ਼ਾਸਤਰੀ ਸ਼ੌਨ ਕੈਥਕਾਰਟ ਨੇ ਕਿਹਾ ਕਿ ਸੇਲਰਸ ਨੂੰ ਸੰਭਾਵਤ ਤੌਰ 'ਤੇ ਉਹ ਖਰੀਦਦਾਰ ਨਹੀਂ ਮਿਲ ਰਹੇ, ਜਿਨ੍ਹਾਂ ਦੀ ਉਹ ਉਮੀਦ ਕਰ ਰਹੇ ਸਨ ਪਰ 2024 ਵਿੱਚ ਵਿਆਜ ਦਰ ਵਿੱਚ ਕਟੌਤੀ ਦੀ ਉਮੀਦ ਨਾਲ ਸਪਰਿੰਗ ਮਾਰਕੀਟ ਕਾਫ਼ੀ ਐਕਟਿਵ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।
ਰਿਪੋਰਟ ਮੁਤਾਬਕ, ਨਵੰਬਰ ਵਿੱਚ ਨੈਸ਼ਨਲ ਔਸਤ ਘਰ ਦੀ ਕੀਮਤ $646,134 ਰਹੀ ਜੋ ਪਿਛਲੇ ਸਾਲ ਦੇ ਇਸੇ ਮਹੀਨੇ ਨਾਲੋਂ ਦੋ ਫੀਸਦੀ ਵੱਧ ਸੀ। ਹਾਲਾਂਕਿ ਮਹੀਨਾਵਾਰ ਦੇ ਹਿਸਾਬ ਨਾਲ ਕੀਮਤ ਵਿੱਚ ਗਿਰਾਵਟ ਰਹੀ। ਰਿਪੋਰਟ ਦਾ ਕਹਿਣਾ ਹੈ ਕਿ ਕੀਮਤਾਂ ਵਿੱਚ ਗਿਰਾਵਟ ਅਜੇ ਵੀ ਮੁੱਖ ਤੌਰ 'ਤੇ ਓਨਟੇਰੀਓ ਵਿੱਚ ਦੇਖੀ ਜਾ ਰਹੀ ਹੈ।
ਹਾਲਾਂਕਿ ਇਸ ਦੌਰਾਨ ਫਰੇਜ਼ਰ ਵੈਲੀ, ਹੈਲੀਫੈਕਸ ਅਤੇ ਵਿਨੀਪੈਗ ਵਿੱਚ ਵੀ ਘਰਾਂ ਦੀ ਕੀਮਤ ਡਿੱਗੀ ਹੈ, ਜਦੋਂ ਕਿ ਦੂਜੇ ਪਾਸੇ ਅਲਬਰਟਾ, ਸਸਕੈਚਵਨ, ਨਿਊ ਬਰੰਜ਼ਵਿਕ, ਪ੍ਰਿੰਸ ਐਡਵਰਡ ਆਈਲੈਂਡ ਅਤੇ ਨਿਊਫ਼ਿਨਲੈਂਡ ਕੀਮਤਾਂ ਵਿੱਚ ਵਾਧਾ ਦਰਜ ਕਰ ਰਹੇ ਹਨ।
