ਕੈਨੇਡਾ ਵਲੋਂ ਇਮੀਗ੍ਰੇਸ਼ਨ ਨਿਯਮਾਂ ਵਿਚ ਸਖ਼ਤੀ ਕਾਰਨ ਆਬਾਦੀ ਵਾਧੇ ਦੀ ਰਫ਼ਤਾਰ ਮੱਧਮ

ਕੈਨੇਡਾ ਵਲੋਂ ਇਮੀਗ੍ਰੇਸ਼ਨ ਨਿਯਮਾਂ ਵਿਚ ਸਖ਼ਤੀ ਨੇ ਆਬਾਦੀ ਵਿਚ ਵਾਧੇ ਦੀ ਰਫ਼ਤਾਰ ਨੂੰ ਮੱਧਮ ਕਰ ਦਿੱਤਾ ਹੈ। ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ,1 ਜਨਵਰੀ ਤੋਂ 1 ਅਪ੍ਰੈਲ ਤੱਕ ਕੈਨੇਡਾ ਦੀ ਆਬਾਦੀ ਵਿਚ ਮਹਿਜ 20,107 ਲੋਕ ਵਧੇ, ਇਹ ਸਾਲ 2020 ਦੇ ਤੀਜੇ ਕੁਆਰਟਰ ਤੋਂ ਬਾਅਦ ਸਭ ਤੋਂ ਘੱਟ ਤਿਮਾਹੀ ਵਾਧਾ ਹੈ।

ਸਟੈਟਿਸਟਿਕਸ ਡਿਪਾਰਟਮੈਂਟ ਮੁਤਾਬਕ, ਮੌਜੂਦਾ ਸਮੇਂ ਕੈਨੇਡਾ ਦੀ ਜਨਸੰਖਿਆ 41,548,787 ਹੈ। ਸਰਕਾਰ ਵਲੋਂ 2024 ਵਿਚ ਅਸਥਾਈ ਤੇ ਸਥਾਈ ਇਮੀਗ੍ਰੇਸ਼ਨ ਵਿਚ ਕਟੌਤੀ ਕਰਨ ਮਗਰੋਂ ਇਹ ਅਜਿਹਾ 6ਵਾਂ ਕੁਆਰਟਰ ਹੈ ਜਦੋਂ ਕੈਨੇਡਾ ਦੀ ਆਬਾਦੀ ਸਲੌ ਹੋਈ ਹੈ। ਹਾਲਾਂਕਿ,ਕੁੱਲ ਜਨਸੰਖਿਆ ਵਿਚ ਹੁਣ ਵੀ ਇਮੀਗ੍ਰੇਸ਼ਨ ਵੱਡਾ ਹਿੱਸਾ ਹੈ।

ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, 2025 ਦੇ ਪਹਿਲੇ ਕੁਆਰਟਰ ਵਿਚ ਕੈਨੇਡਾ ਨੇ 104,256 ਪ੍ਰਵਾਸੀਆਂ ਨੂੰ ਪ੍ਰਵੇਸ਼ ਦਿੱਤਾ, ਜਦੋਂ ਕਿ ਇਸ ਦੌਰਾਨ ਗੈਰ-ਸਥਾਈ ਨਿਵਾਸੀਆਂ ਦੀ ਗਿਣਤੀ ਵਿਚ 61,111 ਦੀ ਗਿਰਾਵਟ ਆਈ ਹੈ।