ਫੈਡਰਲ ਸਰਕਾਰ ਵਲੋਂ ਭੇਜੀ ਚਿੱਠੀ ਮੁਤਾਬਕ, ਵੁਹਾਨ ਤੋਂ ਕੈਨੇਡੀਅਨ ਨਾਗਰਿਕਾਂ ਦਾ ਜਹਾਜ਼ ਵੀਰਵਾਰ ਨੂੰ ਉਡਾਣ ਭਰੇਗਾ

ਚੀਨ ਵਿੱਚ ਉਹ ਕੈਨੇਡੀਅਨ ਨਾਗਰਿਕ ਅਤੇ ਪਰਮਾਨੈਂਟ ਰੈਜ਼ੀਡੈਂਟ ਜੋ ਵਾਪਸ ਕੈਨੇਡਾ ਆਉਣ ਦੀ ਉਡੀਕ ਵਿੱਚ ਸਨ ਨੂੰ ਫੈਡਰਲ ਸਰਕਾਰ ਵੱਲੋਂ ਚਿੱਠੀ ਰਾਹੀਂ ਇਹ ਜਾਣਕਾਰੀ ਪ੍ਰਦਾਨ ਕੀਤੀ ਗਈ ਹੈ ਕਿ ਉਹ ਵੀਰਵਾਰ ਸਵੇਰ ਜਹਾਜ਼ ਰਾਹੀਂ ਵਾਪਸ ਲਿਆਏ ਜਾਣਗੇ।

ਚਿੱਠੀ ਮੁਤਾਬਕ ਜਹਾਜ਼ ਵੀਰਵਾਰ ਸਵੇਰ ਵੁਹਾਨ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਨਿਕਲੇਗਾ ਪਰ ਕਿਸ ਸਮੇਂ ਨਿਕਲੇਗਾ ਇਹ ਸਪੱਸ਼ਟ ਨਹੀਂ ਕੀਤਾ ਗਿਆ।

ਫੈਡਰਲ ਹੈਲਥ ਮਨਿਸਟਰ ਪੈਟੀ ਹਾਇਡੂ (Federal Health Minister Patty Hajdu) ਮੁਤਾਬਕ ਹੁਣ ਤੱਕ ਕੁੱਲ 304 ਕੈਨੇਡੀਅਨ ਮਦਦ ਦੀ ਅਪੀਲ ਕਰ ਚੁੱਕੇ ਹਨ ਜਿਨ੍ਹਾਂ ਵਿੱਚੋਂ 280 ਕੋਲ ਕੈਨੇਡੀਅਨ ਪਾਸਪੋਰਟ ਹਨ।

ਆਟਵਾ ਮੁਤਾਬਕ ਵੁਹਾਨ ਤੋਂ ਆਉਣ ਵਾਲੇ ਸਾਰੇ ਵਿਅਕਤੀਆਂ ਨੂੰ 14 ਦਿਨ ਲਈ ਟ੍ਰੇਨਟਨ ਦੇ ਕੈਨੇਡੀਅਨ ਫੋਰਸਿਜ਼ ਬੇਸ (Canadian Forces Base) ਵਿਖੇ ਕੁਆਰੰਟੀਨ ਰੱਖਿਆ ਜਾਵੇਗਾ।