20.5C Vancouver 20.5C VancouverJul 20, 2021 7:32 PM -
ਕੈਨੇਡਾ 'ਚ ਕੀਤੇ ਗਏ ਇੱਕ ਸਰਵੇਖਣ 'ਚ ਖੁਲਾਸਾ ਹੋਇਆ ਹੈ ਕਿ 58% ਲੋਕ ਮੰਨਦੇ ਹਨ ਕਿ ਯਾਤਰੀਆਂ ਨੂੰ ਕੋਈ ਅਜਿਹਾ ਦਸਤਾਵੇਜ਼ ਵਿਖਾਉਣਾ ਚਾਹੀਦਾ ਹੈ ਜਿਸ ਤੋਂ ਪਤਾ ਲੱਗ ਸਕੇ ਕਿ ਉਹ ਕੋਵਿਡ-19 ਤੋਂ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਹਨ।
ਇਸ ਸਰਵੇਖਣ 'ਚ ਸਾਹਮਣੇ ਆਇਆ ਕਿ 48% ਲੋਕ ਕੈਨੇਡਾ ਅਤੇ ਅਮਰੀਕਾ ਦੇ ਬਾਰਡਰ ਨੂੰ ਪੂਰੀ ਤਰ੍ਹਾਂ ਖੋਲ੍ਹਣ ਦੇ ਹੱਕ 'ਚ ਹਨ।
ਇਹ ਲੋਕ ਮੰਨਦੇ ਹਨ ਕਿ ਅਗਸਤ ਦੇ ਅੰਤ ਤਕ ਬਾਰਡਰ ਪੂਰੀ ਤਰ੍ਹਾਂ ਖੋਲ ਦੇਣੇ ਚਾਹੀਦੇ ਹਨ।
ਇਹ ਸਰਵੇਖਣ ਲੈਗਰ ਐਂਡ ਐਸੋਸੀਏਸ਼ਨ ਫਾਰ ਕਨੇਡੀਅਨ ਸਟਡੀਜ਼ ਵੱਲੋਂ ਕੀਤਾ ਗਿਆ ਹੈ।
ਇਸ ਤੋਂ ਐਗਜ਼ੀਕਿਊਟਿਵ ਵਾਈਸ ਪ੍ਰਧਾਨ ਕ੍ਰਿਸਟੀਅਨ ਬੌਰਕ ਦਾ ਕਹਿਣਾ ਸੀ ਕਿ ਯਾਤਰੀਆਂ ਦੇ ਵੈਕਸੀਨੇਸ਼ਨ ਦਾ ਪ੍ਰਮਾਣ ਪੇਸ਼ ਕਰਨ ਅਤੇ ਬਾਰਡਰ ਨੂੰ ਪੂਰੀ ਤਰ੍ਹਾਂ ਖੋਲ੍ਹਣ ਦੇ ਮਾਮਲੇ 'ਚ ਕਨੇਡੀਅਨ ਲੋਕ ਵੰਢੇ ਵਿਖਾਈ ਦਿੰਦੇ ਹਨ।
ਇਸ ਸਰਵੇਖਣ 'ਚ 1,529 ਲੋਕਾਂ ਦੇ ਹਿੱਸਾ ਲੈਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਸਰਵੇਖਣ 16 ਤੋਂ 18 ਜੁਲਾਈ ਵਿਚਾਲੇ ਕੀਤਾ ਗਿਆ ਸੀ।
