9.14C Vancouver 9.14C VancouverJun 30, 2022 7:25 PM - The Canadian Press
ਦੇਸ਼ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਪ੍ਰਤੀ ਹਫ਼ਤਾ ਸਾਹਮਣੇ ਆ ਰਹੇ ਕੋਵਿਡ-19 ਮਾਮਲਿਆਂ ਜਾਂ ਗੰਭੀਰ ਬਿਮਾਰੀ ਸੰਬੰਧਤ ਮਾਮਲਿਆਂ 'ਚ ਗਿਰਾਵਟ ਵੇਖਣ ਨੂੰ ਮਿਲ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਕਈ ਹਿੱਸਿਆਂ 'ਚ ਜਾਂ ਤਾਂ ਅਜਿਹੇ ਮਾਮਲੇ ਸਮਾਨ ਹਨ ਅਤੇ ਜਾਂ ਫਿਰ ਘਟ ਰਹੇ ਹਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਕੋਵਿਡ-19 ਦੇ ਮਾਮਲੇ ਹੁਣ ਵੀ ਰਿਪੋਰਟ ਹੋ ਰਹੇ ਹਨ।
ਇੱਕ ਮਾਮਲੇ 'ਚ ਡਾ. ਥਰੈਸਾ ਟੈਮ ਨੇ ਲੋਕਾਂ ਨੂੰ ਆਗਾਹ ਵੀ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਨਾਲ ਸੰਬੰਧਤ 2 ਸਬ-ਵੇਰੀਐਂਟਸ ਨਾਲ ਜੁੜੇ ਮਾਮਲੇ ਵਧ ਰਹੇ ਹਨ ਅਤੇ ਇਸ ਕਾਰਨ ਕੋਵਿਡ-19 ਦੇ ਆਉਂਦੇ ਹਫਤਿਆਂ 'ਚ ਮਾਮਲੇ ਵਧਣ ਦਾ ਸ਼ੱਕ ਹੈ।
ਉਨ੍ਹਾਂ ਕਿਹਾ ਕਿ ਬੀ.ਏ.4 ਅਤੇ ਬੀ.ਏ.5 ਸਬ ਵੇਰੀਐਂਟਸ ਨਾਲ ਸੰਬੰਧਤ ਕੋਵਿਡ-19 ਮਾਮਲੇ ਇਸ ਪਤਝੜ ਤਕ ਵਧ ਸਕਦੇ ਹਨ।
ਬੀਤੇ ਕੱਲ ਨੈਸ਼ਨਲ ਐਡਵਾਈਜਰੀ ਕਮੇਟੀ ਔਨ ਇਮਿਉਨਾਈਜੇਸ਼ਨ ਯਾਨੀ ਕਿ ਨਾਸੀ ਨੇ ਸੂਬਾ ਸਰਕਾਰਾਂ ਨੂੰ ਤਿਆਰ ਰਹਿਣ ਨੂੰ ਕਿਹਾ ਸੀ ਕਿ ਕੋਵਿਡ-19 ਕਾਰਨ ਵਧੇਰੇ ਖਤਰੇ ਦਾ ਸਾਹਮਣਾ ਕਰ ਰਹੇ ਲੋਕਾਂ ਨੂੰ ਕਿੰਨੇ ਵੀ ਬੂਸਟਰ ਡੋਜ ਕਿਉਂ ਨਾ ਲਗ ਗਏ ਹੋਣ ਪਰ ਉਨ੍ਹਾਂ ਨੂੰ ਵੈਕਸੀਨ ਦੀਆਂ ਹੋਰ ਖੁਰਾਕਾਂ ਪ੍ਰਦਾਨ ਕਰਨ ਦੀ ਤਿਆਰੀ ਰੱਖੀ ਜਾਵੇ।
ਯਾਦ ਰਹੇ ਵਰਲਡ ਹੈਲਥ ਔਰਗੇਨਾਈਜੇਸ਼ਨ ਨੇ ਜਾਣਕਾਰੀ ਦਿੱਤੀ ਹੈ ਕਿ ਬੀਤੇ ਹਫ਼ਤੇ ਵਿਸ਼ਵ ਭਰ 'ਚ ਕੋਵਿਡ-19 ਦੇ ਮਾਮਲਿਆਂ 'ਚ 18% ਦਾ ਵਾਧਾ ਵੇਖਣ ਨੂੰ ਮਿਲਿਆ ਹੈ।
