14.07C Vancouver 14.07C VancouverDec 9, 2024 5:32 PM - Connect Newsroom
ਕੈਨੇਡਾ ਦੇ ਕੈਂਸਰ ਮਰੀਜ਼ਾਂ ਨੂੰ ਭਾਰੀ ਭਰਕਮ ਖ਼ਰਚ ਜੇਬ ਤੋਂ ਕਰਨਾ ਪੈ ਰਿਹਾ ਹੈ। ਕੈਨੇਡੀਅਨ ਕੈਂਸਰ ਸੁਸਾਇਟੀ ਨੇ ਇਹ ਖੁਲਾਸਾ ਕੀਤਾ ਹੈ। ਇਸ ਦਾ ਕਹਿਣਾ ਹੈ ਕਿ ਹਾਲਾਂਕਿ, ਹਸਪਤਾਲ ਵਿਚ ਸਰਜਰੀ ਅਤੇ ਕੀਮੋਥੈਰੇਪੀ ਵਰਗੇ ਖ਼ਰਚ ਸਰਕਾਰ ਵਲੋਂ ਕਵਰ ਕੀਤੇ ਜਾਂਦੇ ਹਨ ਪਰ ਇਸ ਦੇ ਬਾਵਜੂਦ ਇੱਕ ਔਸਤ ਕੈਂਸਰ ਮਰੀਜ਼ ਨੂੰ ਆਪਣੇ ਜੀਵਨ ਕਾਲ ਵਿਚ ਲਗਭਗ $33,000 ਦਾ ਖ਼ਰਚ ਉਠਾਉਣਾ ਪੈਂਦਾ ਹੈ।
ਇਸ ਵਿਚ ਨਿਰਧਾਰਤ ਦਵਾਈਆਂ, ਹਸਪਤਾਲ ਤੱਕ ਟਰਾਂਸਪੋਰਟੇਸ਼ਨ ਅਤੇ ਰਿਹਾਇਸ਼ ਲਈ ਜੇਬ ਤੋਂ ਕੀਤੇ ਜਾਣ ਵਾਲੇ ਖ਼ਰਚ ਦੇ ਨਾਲ-ਨਾਲ ਇਲਾਜ ਦੌਰਾਨ ਇਨਕਮ ਦਾ ਹੋਣ ਵਾਲਾ ਨੁਕਸਾਨ ਸ਼ਾਮਲ ਹੈ। ਚਿਕਿਤਸਕ ਅਤੇ ਸਿਹਤ ਨੀਤੀ ਦੇ ਮਾਹਰ ਦਾ ਕਹਿਣਾ ਹੈ ਕਿ ਇਹ ਖ਼ਰਚ ਬਿਮਾਰੀ ਨਾਲ ਨਜਿੱਠਣ ਨੂੰ ਹੋਰ ਵੀ ਚੁਣੌਤੀਪੂਰਨ ਬਣਾ ਦਿੰਦੇ ਹਨ।
ਰਿਪੋਰਟ ਵਿਚ ਅਨੁਮਾਨ ਲਗਾਇਆ ਗਿਆ ਹੈ ਕਿ 2024 ਵਿਚ ਕੈਨੇਡਾ ਵਿਚ ਕੈਂਸਰ ਨਾਲ ਪੀੜਤ ਲੋਕਾਂ ਅਤੇ ਉਨ੍ਹਾਂ ਦੇ ਦੇਖਭਾਲ ਕਰਨ ਵਾਲੇ’ਤੇ $37.7 ਬਿਲੀਅਨ ਦਾ ਖ਼ਰਚ ਹੋਵੇਗਾ।
