13.58C Vancouver 13.58C VancouverFeb 9, 2022 1:21 AM - The Canadian Press
ਅੱਜ ਹਾਊਸ ਆਫ ਕਾਮਨਜ਼ ਵਿੱਚ ਕਵਸਚਨ ਪੀਰੀਅਡ ਦੌਰਾਨ ਕੰਜ਼ਰਵੇਟਿਵ ਪਾਰਟੀ ਦੀ ਅੰਤਰਿਮ ਲੀਡਰ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਵੈਕਸੀਨ ਮੈਂਡੇਟ ਦੇ ਮੁੱਦੇ 'ਤੇ ਘੇਰਿਆ।
ਕੈਂਡਿਸ ਬਰਗਨ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਈਗੋ ਕਾਰਨ ਕੋਵਿਡ-19 ਦੀਆਂ ਪਬੰਦੀਆਂ ਤੋਂ ਬਾਹਰ ਆਉਣ ਦੀ ਪ੍ਰੀਕਿਰਿਆ ਨੂੰ ਹੋਰ ਨਹੀਂ ਲਮਕਾਇਆ ਜਾ ਸਕਦਾ।
ਉਨ੍ਹਾਂ ਕਿਹਾ ਕਿ ਆਇਰਲੈਂਡ, ਯੂ.ਕੇ., ਸਵੀਡਨ, ਚੈਕ ਰਿਪਬਲਿਕ, ਸਪੇਨ, ਡੈਨਮਾਰਕ ਅਤੇ ਨੌਰਵੇ ਜਿਹੇ ਦੇਸ਼ਾਂ 'ਚ ਕੈਨੇਡਾ ਦੇ ਮੁਕਾਬਲੇ ਘਟ ਵੈਕਸੀਨੇਸ਼ਨ ਦਰ ਹੈ ਪਰ ਇਹ ਦੇਸ਼ ਪਬੰਦੀਆਂ ਤੋਂ ਬਾਹਰ ਆ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਕੈਨੇਡਾ 'ਚ ਪਬੰਦੀਆਂ ਖਤਮ ਕਰਨ 'ਚ ਆਖਰ ਦੇਰੀ ਕਿਉਂ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਪੁੱਛਿਆ ਕਿ ਕੀ ਟਰੂਡੋ ਸਾਇੰਸ ਨੂੰ ਫੌਲੋ ਕਰਦੇ ਹੋਏ ਹੁਣ ਪਬੰਦੀਆਂ ਅਤੇ ਮੈਂਡੇਟਸ ਨੂੰ ਜਲਦੀ ਤੋਂ ਜਲਦੀ ਖਤਮ ਕਰਨ ਲਈ ਤਿਆਰ ਹਨ।
ਪ੍ਰਧਾਨ ਮੰਤਰੀ ਨੇ ਕੰਜ਼ਰਵੇਟਿਵਸ ਨਾਲ ਜਤਾਈ ਅਸਹਿਮਤੀ
ਇਸ 'ਤੇ ਜਵਾਬ ਦਿੰਦੇ ਹੋਏ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਪੈਂਡੈਮਿਕ ਦੀ ਸ਼ੁਰੂਆਤ ਤੋਂ ਹੀ ਸਾਇੰਸ ਦੇ ਅਨੁਸਾਰ ਫੈਸਲੇ ਲਏ ਗਏ ਹਨ।
ਉਨ੍ਹਾਂ ਕਿਹਾ ਕਿ ਅਸੀਂ ਸਾਇੰਸ ਦੇ ਅਨੁਸਾਰ ਹੀ ਅੱਗੇ ਦੇ ਫੈਸਲੇ ਵੀ ਲੈਂਦੇ ਰਹਾਂਗੇ।
ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਨੂੰ ਖੁਸ਼ੀ ਹੈ ਕਿ ਆਖਿਰਕਾਰ ਕੰਜ਼ਰਵੇਟਿਵਸ ਵੀ ਸਾਇੰਸ ਦੀ ਗੱਲ ਕਰਨ ਲੱਗੇ ਹਨ।
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਮੈਂਡੇਟਸ ਆਸਰੇ ਹੀ ਕੈਨੇਡਾ ਵਾਸੀਆਂ ਦੀਆਂ ਜਾਨਾਂ ਬਚਾਈਆਂ ਜਾ ਸਕੀਆਂ ਹਨ।
