14.19C Vancouver 14.19C VancouverFeb 5, 2022 1:08 AM - The Canadian Press
ਨਵੀਂ ਕੰਜ਼ਰਵੇਟਿਵ ਅੰਤਰਿਮ ਲੀਡਰ, ਕੈਂਡਿਸ ਬਰਗਨ ਨੇ ਲੀਡਰਸ਼ਿਪ ਸੰਭਾਲਣ ਤੋਂ ਬਾਅਦ ਸਾਬਕਾ ਲੀਡਰ ਐਰਿਨ ਓ'ਟੂਲ ਦੀ ਪਾਰਲੀਅਮੈਂਟ ਦੀ ਲੀਡਰਸ਼ਿਪ ਟੀਮ ਦਾ ਸਫਾਇਆ ਕਰ ਦਿੱਤਾ ਹੈ।
ਸ਼ੁੱਕਰਵਾਰ ਨੂੰ ਕੰਜ਼ਰਵੇਟਿਵ ਐਮ.ਪੀ.'ਸ ਨੂੰ ਜਾਣਕਾਰੀ ਦਿੱਤੀ ਗਈ ਕਿ ਕੁਝ ਅਹਿਮ ਬਦਲਾਅ ਕੀਤੇ ਗਏ ਹਨ।
ਇਹ ਬਦਲਾਅ ਓ'ਟੂਲ ਨੂੰ ਲੀਡਰਸ਼ਿਪ ਤੋਂ ਲਾਂਭੇ ਕਰਨ ਤੋਂ ਬਾਅਦ ਕੀਤੇ ਗਏ ਹਨ।
ਬਰਗਨ ਨੇ ਐਲਾਨ ਕੀਤਾ ਹੈ ਕਿ ਤੁਰੰਤ ਪ੍ਰਭਾਵ ਨਾਲ ਕਿਊਬੈਕ ਦੇ ਐਮ.ਪੀ. ਜਰਾਰਡ ਡੈਲਟੈਲ, ਔਂਟੈਰੀਓ ਦੇ ਐਮ.ਪੀ. ਮਾਈਕਲ ਬੈਰੇਟ, ਐਲਬਰਟਾ ਤੋਂ ਬਲੇਕ ਰਿਚਰਡਸ ਅਤੇ ਮੈਨੀਟੋਬਾ ਐਮ.ਪੀ. ਜੇਮਸ ਬੈਜ਼ਨ ਨੂੰ ਟੀਮ ਤੋਂ ਬਾਹਰ ਕੀਤਾ ਜਾ ਰਿਹਾ ਹੈ।
ਹੁਣ ਔਂਟੈਰੀਓ ਐਮ.ਪੀ. ਜੌਨ ਬਰੈਸਾਰਡ ਨੂੰ ਹਾਊਸ ਲੀਡਰ ਐਲਾਨਿਆ ਗਿਆ ਹੈ।
ਟੌਮ ਕੈਮਿਕ ਨੂੰ ਡਿਪਟੀ ਹਾਊਸ ਲੀਡਰ ਐਲਾਨਿਆ ਗਿਆ ਹੈ।
ਯਾਦ ਰਹੇ ਇਹ ਦੋਵੇਂ ਅੰਤਰਿਮ ਲੀਡਰ ਦੀ ਦੌੜ 'ਚ ਸ਼ਾਮਿਲ ਸਨ।
ਕੈਂਡਿਸ ਬਰਗਨ ਨੇ ਐਲਬਰਟਾ ਐਮ.ਪੀ. ਬਲੇਨ ਕਾਲਕਿਨਸ ਨੂੰ ਆਪਣਾ ਚੀਫ਼ ਔਪੋਜਿਸ਼ਨ ਵਿਪ ਅਤੇ ਔਂਟੈਰੀਓ ਤੋਂ ਲਿਐਨ ਰੂਡ ਨੂੰ ਡਿਪਟੀ ਵਿਪ ਐਲਾਨਿਆ ਹੈ।
