7.68C Vancouver 7.68C VancouverFeb 17, 2026 5:02 PM - Connect Newsroom - Jasmine Singh with files from The Canadian Press
ਪੀ.ਐਮ. ਮਾਰਕ ਕਾਰਨੀ ਨੇ ਕੈਨੇਡਾ ਦੀ ਮਿਲਟਰੀ ਅਤੇ ਡਿਫੈਂਸ ਇੰਡਸਟਰੀ ਨੂੰ ਮਜ਼ਬੂਤ ਕਰਨ ਲਈ ਮੰਗਲਵਾਰ ਨੂੰ ਇੱਕ ਇਤਿਹਾਸਕ ਬਾਇ ਕੈਨੇਡੀਅਨ ਯੋਜਨਾ ਦਾ ਐਲਾਨ ਕੀਤਾ। ਇਸ $6.6 ਬਿਲੀਅਨ ਦੀ ਡਿਫੈਂਸ ਇੰਡਸਟਰੀਅਲ ਸਟੈਟਜੀ ਦਾ ਮੁੱਖ ਮਕਸਦ ਫੌਜੀ ਸਾਜ਼ੋ-ਸਾਮਾਨ ਲਈ ਅਮਰੀਕਾ ਅਤੇ ਹੋਰ ਦੇਸ਼ਾਂ 'ਤੇ ਨਿਰਭਰਤਾ ਘਟਾਉਣਾ ਅਤੇ ਦੇਸ਼ ਦੇ ਅੰਦਰ ਉਤਪਾਦਨ ਨੂੰ ਉਤਸ਼ਾਹਤ ਕਰਨਾ ਹੈ।
ਸਰਕਾਰ ਵਲੋਂ ਇਸ ਨਵੀਂ ਰਣਨੀਤੀ ਰਾਹੀਂ ਅਗਲੇ 10 ਸਾਲਾਂ ਵਿਚ ਕੈਨੇਡਾ ਭਰ ਵਿਚ 1,25,000 ਨਵੀਆਂ ਨੌਕਰੀਆਂ ਪੈਦਾ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ। ਪ੍ਰਧਾਨ ਮੰਤਰੀ ਮੁਤਾਬਕ, ਸਰਕਾਰ ਡਿਫੈਂਸ ਖਰੀਦ ਪ੍ਰਕਿਰਿਆ ਵਿਚ ਉਨ੍ਹਾਂ ਕੰਪਨੀਆਂ ਨੂੰ ਪਹਿਲ ਦੇਵੇਗੀ ਜੋ ਕੈਨੇਡਾ ਵਿਚ ਨਿਰਮਾਣ ਕਰਦੀਆਂ ਹਨ। ਖਾਸ ਤੌਰ 'ਤੇ ਛੋਟੇ ਅਤੇ ਦਰਮਿਆਨੇ ਪੱਧਰ ਦੇ ਉਦਯੋਗਾਂ ਨੂੰ ਡਿਫੈਂਸ ਸੈਕਟਰ ਵਿਚ ਲਿਆਉਣ ਲਈ ਵਿਸ਼ੇਸ਼ ਮਦਦ ਦਿੱਤੀ ਜਾਵੇਗੀ।
ਕਾਰਨੀ ਨੇ ਕਿਹਾ ਕਿ ਸਰਕਾਰ ਵੱਲੋਂ ਡਿਫੈਂਸ ਖੇਤਰ ਵਿਚ ਖਰਚ ਕੀਤਾ ਜਾਣ ਵਾਲਾ ਹਰ ਇੱਕ ਡਾਲਰ ਇਸ ਮਕਸਦ ਨਾਲ ਨਿਵੇਸ਼ ਕੀਤਾ ਜਾਵੇਗਾ ਕਿ ਉਸ ਦਾ ਸਿੱਧਾ ਫਾਇਦਾ ਕੈਨੇਡਾ ਦੀਆਂ ਨੌਕਰੀਆਂ ਅਤੇ ਸਥਾਨਕ ਉਦਯੋਗਾਂ ਨੂੰ ਮਿਲੇ।ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇਹ ਯੋਜਨਾ ਨਾ ਸਿਰਫ਼ ਸਾਡੀ ਫੌਜ ਨੂੰ ਆਧੁਨਿਕ ਬਣਾਵੇਗੀ ਸਗੋਂ ਕੈਨੇਡਾ ਦੀ ਆਰਥਿਕਤਾ ਦੀ ਰੀੜ੍ਹ ਦੀ ਹੱਡੀ ਨੂੰ ਵੀ ਮਜ਼ਬੂਤ ਕਰੇਗੀ।
