12.84C Vancouver 12.84C VancouverAug 22, 2025 4:39 PM - The Canadian Press
ਪੀ.ਐਮ. ਮਾਰਕ ਕਾਰਨੀ ਨੇ ਕੈਨੇਡਾ-ਅਮਰੀਕਾ-ਮੈਕਸੀਕੋ ਫ੍ਰੀ ਟ੍ਰੇਡ ਐਗਰੀਮੈਂਟ ਤਹਿਤ ਆਉਂਦੇ ਅਮਰੀਕੀ ਸਮਾਨ 'ਤੇ ਜਵਾਬੀ ਟੈਰਿਫ ਹਟਾਉਣ ਦਾ ਐਲਾਨ ਕੀਤਾ ਹੈ। ਇਹ ਵਾਸ਼ਿੰਗਟਨ ਨਾਲ ਤਣਾਅ ਘਟਾਉਣ ਦਾ ਨਵੀਨਤਮ ਕਦਮ ਹੈ।ਕੈਨੇਡਾ ਨੇ ਮਾਰਚ ਵਿਚ ਅਮਰੀਕੀ ਵਸਤੂਆਂ ਦੀ ਇੱਕ ਲੰਬੀ ਸੂਚੀ 'ਤੇ 25 ਫੀਸਦੀ ਟੈਰਿਫ ਲਗਾਇਆ ਸੀ, ਜਿਸ ਵਿਚ ਸੰਤਰੇ, ਸ਼ਰਾਬ, ਕੱਪੜੇ ਅਤੇ ਜੁੱਤੀਆਂ, ਮੋਟਰਸਾਈਕਲ ਅਤੇ ਕਾਸਮੈਟਿਕਸ ਸ਼ਾਮਲ ਸਨ।
ਹਾਲਾਂਕਿ, ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਕੈਨੇਡਾ ਅਮਰੀਕਾ ਦੀ ਤਰ੍ਹਾਂ ਉਥੋਂ ਆਉਣ ਵਾਲੇ ਸਟੀਲ, ਐਲਮੀਨੀਅਮ ਅਤੇ ਕਾਰਾਂ 'ਤੇ ਜਵਾਬੀ ਟੈਰਿਫਸ ਬਰਕਰਾਰ ਰੱਖੇਗਾ ਕਿਉਂਕਿ ਇਨ੍ਹਾਂ ਮੁੱਦਿਆਂ ਨੂੰ ਹੱਲ ਕਰਨ ਸਬੰਧੀ ਗੱਲ ਚੱਲ ਰਹੀ ਹੈ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅਮਰੀਕਾ ਨੇ ਟੈਰਿਫਸ ਤੋਂ CUSMA ਤਹਿਤ ਆਉਣ ਵਾਲੇ ਸਾਮਾਨ ਨੂੰ ਬਾਹਰ ਰੱਖਿਆ ਹੈ, ਇਸ ਲਈ ਕੈਨੇਡਾ ਨੇ ਵੀ ਇਸ ਨਾਲ ਮੇਲ ਕਰਦਾ ਫੈਸਲਾ ਲਿਆ ਹੈ।
ਗੌਰਤਲਬ ਹੈ ਕਿ ਪ੍ਰਧਾਨ ਮੰਤਰੀ ਕਾਰਨੀ ਨੇ ਇਸ ਮਹੀਨੇ ਦੇ ਸ਼ੁਰੂ ਵਿਚ ਸੰਕੇਤ ਦਿੱਤਾ ਸੀ ਕਿ ਜੇਕਰ ਇਹ ਕੈਨੇਡੀਅਨ ਉਦਯੋਗਾਂ ਨੂੰ ਅਮਰੀਕਾ ਨਾਲ ਵਪਾਰ ਯੁੱਧ ਤੋਂ ਬਚਣ ਵਿਚ ਮਦਦ ਕਰਦਾ ਹੈ ਤਾਂ ਉਹ ਕੁਝ ਵਸਤੂਆਂ 'ਤੇ ਜਵਾਬੀ ਟੈਰਿਫ ਨੂੰ ਹਟਾ ਸਕਦੇ ਹਨ।
