18.97C Vancouver 18.97C VancouverApr 17, 2026 1:22 PM - Connect Newsroom - Ramandeep Kaur with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਦੁਨੀਆ ਦੇ 100 ਸਭ ਤੋਂ ਵੱਡੇ ਨਿਵੇਸ਼ਕਾਂ ਨੂੰ ਸਤੰਬਰ ਵਿਚ ਟੌਰੋਂਟੋ ਵਿਖੇ ਹੋਣ ਵਾਲੀ ਇਨਵੈਸਟ ਇਨ ਕੈਨੇਡੀ ਸਮਿਟ ਵਿਚ ਸ਼ਾਮਲ ਹੋਣ ਲਈ ਸੱਦਾ ਦਿੱਤਾ ਹੈ। ਇਸ ਦਾ ਮਕਸਦ ਕੈਨੇਡਾ ਵਿਚ $1 ਟ੍ਰਿਲੀਅਨ ਦੇ ਗਲੋਬਲ ਨਿਵੇਸ਼ ਨੂੰ ਸੁਰੱਖਿਅਤ ਕਰਨਾ ਹੈ। ਜਾਣਕਾਰੀ ਮੁਤਾਬਕ, ਸੱਦੇ ਗਏ ਨਿਵੇਸ਼ਕਾਂ ਵਿਚ ਬਲੈਕਰੌਕ ਵਰਗੀਆਂ ਨਿੱਜੀ ਨਿਵੇਸ਼ ਫਰਮ ਅਤੇ ਸਿੰਗਾਪੁਰ ਦੀ ਜੀ.ਆਈ.ਸੀ. ਵਰਗੇ ਦੁਨੀਆ ਦੇ ਸਭ ਤੋਂ ਵੱਡੇ Sovereign ਵੈਲਥ ਫੰਡ ਸ਼ਾਮਲ ਹਨ।
ਇਸ ਸਮਿਟ ਦੀ ਮੇਜ਼ਬਾਨੀ ਸਰਕਾਰ ਵਲੋਂ ਦੇਸ਼ ਦੀਆਂ ਦੋ ਮੋਹਰੀ ਫੰਡ ਕੰਪਨੀਆਂ ਕੈਨੇਡਾ ਪੈਨਸ਼ਨ ਪਲਾਨ ਇਨਵੈਸਟਮੈਂਟ ਬੋਰਡ ਅਤੇ ਜਨਤਕ ਖੇਤਰ ਪੈਨਸ਼ਨ ਨਿਵੇਸ਼ ਬੋਰਡ ਨਾਲ ਮਿਲ ਕੇ ਕੀਤੀ ਜਾਵੇਗੀ। ਇਹ ਦੋਵੇਂ ਸੰਸਥਾਵਾਂ ਵਿਸ਼ਵ ਪੱਧਰ 'ਤੇ ਨਿਵੇਸ਼ ਦੇ ਖੇਤਰ ਵਿਚ ਵੱਡਾ ਪ੍ਰਭਾਵ ਰੱਖਦੀਆਂ ਹਨ।
ਇਹ ਸੰਮੇਲਨ ਅਜਿਹੇ ਸਮੇਂ ਕਰਵਾਉਣ ਦੀ ਤਿਆਰੀ ਹੈ ਜਦੋਂ ਪਿਛਲੇ ਇੱਕ ਦਹਾਕੇ ਤੋਂ ਕੈਨੇਡਾ ਵਿਚ ਨਿਵੇਸ਼ ਦੀ ਰਫ਼ਤਾਰ ਸੁਸਤ ਰਹੀ ਹੈ ਅਤੇ ਦੇਸ਼ ਦੇ ਵੱਡੇ ਪੈਨਸ਼ਨ ਫੰਡ ਵੀ ਪੈਸਾ ਦੇਸ਼ ਤੋਂ ਬਾਹਰ ਲਗਾ ਰਹੇ ਸਨ। ਕਾਰਨੀ ਦੀ ਅਗਵਾਈ ਵਿਚ ਹੁਣ ਕੈਨੇਡਾ ਨੂੰ ਵਿਸ਼ਵ ਪੱਧਰ 'ਤੇ ਨਿਵੇਸ਼ ਲਈ ਬਿਹਤਰ ਜਗ੍ਹਾ ਵਜੋਂ ਪ੍ਰਮੋਟ ਕਰਨ ਦੀ ਕੋਸ਼ਿਸ਼ ਹੈ। ਪ੍ਰਧਾਨ ਮੰਤਰੀ ਦਫ਼ਤਰ ਦਾ ਕਹਿਣਾ ਹੈ ਕਿ ਇਹ ਇਨਵੈਸਟਮੈਂਟ ਸਮਿਟ 14 ਅਤੇ 15 ਸਤੰਬਰ ਨੂੰ ਹੋਵੇਗੀ।
