ਪੀ.ਐਮ. ਕਾਰਨੀ ਨੇ ਨੈਟੋ ਸਮਿਟ ਦੌਰਾਨ ਤੁਰਕੀ ਦੇ ਰਾਸ਼ਟਰਪਤੀ ਨਾਲ ਕੀਤੀ ਮੁਲਾਕਾਤ

ਪੀ.ਐਮ. ਮਾਰਕ ਕਾਰਨੀ ਨੈਟੋ ਸਮਿਟ ਲਈ ਤੁਰਕੀ ਦੀ ਰਾਜਧਾਨੀ ਅੰਕਾਰਾ ਵਿਚ ਹਨ, ਜਿਥੇ ਉਨ੍ਹਾਂ ਵਲੋਂ ਮੰਗਲਵਾਰ ਨੂੰ ਰਾਸ਼ਟਰਪਤੀ Recep Erdogan ਨਾਲ ਮੁਲਾਕਾਤ ਕੀਤੀ ਗਈ, ਜੋ ਇਸ ਸਾਲ ਦੇ ਇਸ ਸਿਖਰ ਸੰਮੇਲਨ ਦੀ ਮੇਜ਼ਬਾਨੀ ਕਰ ਰਹੇ ਹਨ। ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨਾਲ ਇੱਕ ਦੁਵੱਲੀ ਮੁਲਾਕਾਤ ਵੀ ਪ੍ਰਧਾਨ ਮੰਤਰੀ ਕਾਰਨੀ ਦੇ ਏਜੰਡਾ ਵਿਚ ਹੈ।

ਇਸ ਸਮਿਟ ਵਿਚ ਮੈਂਬਰ ਦੇਸ਼ਾਂ ਦੇ collective defence budget ਨੂੰ ਵਧਾਉਣ 'ਤੇ ਮੁੱਖ ਫੋਕਸ ਹੋਵੇਗਾ, ਨਾਲ ਹੀ ਵਿਸ਼ਵ ਮੌਜੂਦਾ ਸਮੇਂ ਚੱਲ ਰਹੇ ਹਾਲਾਤ ਨੂੰ ਲੈ ਕੇ ਚਰਚਾ ਹੋਣ ਦੀ ਉਮੀਦ ਹੈ। ਪ੍ਰਧਾਨ ਮੰਤਰੀ ਦਫ਼ਤਰ ਮੁਤਾਬਕ, ਤੁਰਕੀ ਦੇ ਰਾਸ਼ਟਰਪਤੀ Erdogan ਬੈਠਕ ਵਿਚ ਪੀ. ਐੱਮ. ਕਾਰਨੀ ਵਲੋਂ ਰੱਖਿਆ, ਸੁਰੱਖਿਆ, ਮਹੱਤਵਪੂਰਨ ਖਣਿਜ, ਊਰਜਾਅਤੇ ਰੂਸ ਖਿਲਾਫ ਯੂਕਰੇਨ ਦੀ ਮਦਦ ਬਾਰੇ ਗੱਲਬਾਤ ਕੀਤੀ ਗਈ।

ਸਭ ਤੋਂ ਮਹੱਤਵਪੂਰਨ ਗੱਲ ਦੋਵੇਂ ਲੀਡਰਸ Canada-Türkiye free trade agreement ਲਈ ਗੱਲਬਾਤ ਕਰਨ ਲਈ ਸਹਿਮਤ ਹੋਏ ਹਨ। ਪ੍ਰਧਾਨ ਮੰਤਰੀ ਮੁਤਾਬਕ, 2025 ਵਿਚ ਕੈਨੇਡਾ ਅਤੇ ਤੁਰਕੀ ਵਿਚਕਾਰ ਦੁਵੱਲੇ ਵਪਾਰ $4.3 ਬਿਲੀਅਨ ਰਿਹਾ ਹੈ ਅਤੇ ਇਹ ਫ੍ਰੀ ਟਰੇਡ ਐਗਰੀਮੈਂਟ ਦੋਵਾਂ ਦੇਸ਼ਾਂ ਵਿਚ ਕਾਰੋਬਾਰਾਂ, ਵਰਕਰਜ਼ ਅਤੇ ਨਿਵੇਸ਼ਕਾਂ ਲਈ ਮਹੱਤਵਪੂਰਨ ਮੌਕੇ ਖੋਲ੍ਹੇਗਾ।