ਕਾਰਨੀ ਵਲੋਂ ਅੱਜ ਔਟਵਾ 'ਚ ਕੀਤੀ ਗਈ ਮੰਤਰੀ ਮੰਡਲ ਨਾਲ ਵਰਚੁਅਲ ਮੀਟਿੰਗ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਲੋਂ ਅੱਜ ਔਟਵਾ ਵਿਚ ਆਪਣੇ ਮੰਤਰੀ ਮੰਡਲ ਨਾਲ ਵਰਚੁਅਲ ਮੀਟਿੰਗ ਕੀਤੀ ਗਈ। ਇਹ ਟਰੰਪ ਵੱਲੋਂ ਕੈਨੇਡਾ 'ਤੇ ਨਵਾਂ ਟੈਰਿਫ ਲਗਾਉਣ ਦੀ ਧਮਕੀ ਦੇਣ ਤੋਂ ਬਾਅਦ ਪਹਿਲੀ ਕੈਬਨਿਟ ਮੀਟਿੰਗ ਸੀ।ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਪਿਛਲੇ ਹਫ਼ਤੇ ਪੀ. ਐੱਮ. ਕਾਰਨੀ ਨੂੰ ਲਿਖੇ ਇੱਕ ਪੱਤਰ ਵਿਚ ਕਿਹਾ ਸੀ ਕਿ ਅਮਰੀਕਾ 1 ਅਗਸਤ ਤੋਂ ਕੈਨੇਡੀਅਨ ਸਮਾਨ 'ਤੇ 35 ਫੀਸਦੀ ਟੈਰਿਫ ਲਗਾਏਗਾ।

ਕੈਨੇਡਾ ਨੇ ਵਪਾਰ ਵਾਰਤਾ 'ਤੇ ਗੱਲਬਾਤ ਚੱਲ ਰਹੀ ਹੋਣ ਕਰਕੇ ਇਸ ਧਮਕੀ ਜਾਂ ਤਾਂਬਾ'ਤੇ ਹਾਈ ਟੈਰਿਫ ਲਗਾਉਣ ਅਤੇ ਸਟੀਲ ਅਤੇ ਐਲੂਮੀਨੀਅਮ 'ਤੇ ਮੌਜੂਦਾ ਟੈਰਿਫ ਨੂੰ ਦੁੱਗਣਾ ਕਰਨ ਦੇ ਅਮਰੀਕਾ ਦੇ ਹਾਲੀਆ ਕਦਮਾਂ ਦਾ ਅਧਿਕਾਰਤ ਤੌਰ 'ਤੇ ਜਵਾਬ ਨਹੀਂ ਦਿੱਤਾ ਹੈ।

ਉਥੇ ਹੀ, ਟਰੰਪ ਨੇ ਸੋਮਵਾਰ ਨੂੰ ਇੱਕ ਬਿਆਨ ਵਿਚ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਤੇ ਹੋਰ ਮੁਲਕਾਂ ਦੇ ਨੇਤਾਵਾਂ ਨੂੰ ਨਵੀਆਂ ਟੈਰਿਫ ਦਰਾਂ ਬਾਰੇ ਭੇਜੇ ਗਏ ਪੱਤਰ ਨੂੰ ਡੀਲ ਦੱਸਿਆ, ਅਮਰੀਕਾ ਵਲੋਂ ਯੂਰਪੀਅਨ ਯੂਨੀਅਨ ਅਤੇ ਮੈਕਸੀਕੋ 'ਤੇ 30 ਫੀਸਦੀ ਟੈਰਿਫ ਲਗਾਏ ਜਾਣ ਦੀ ਗੱਲ ਆਖੀ ਗਈ ਹੈ ਅਤੇ ਇਸ ਬਾਰੇ ਕੋਈ ਸਪੱਸ਼ਟਤਾ ਨਹੀਂ ਕਿ ਕੈਨੇਡਾ ਮੈਕਸੀਕੋ ਜਾਂ ਯੂਰਪੀਅਨ ਯੂਨੀਅਨ ਨਾਲੋਂ ਵੱਧ ਟੈਰਿਫ ਦਾ ਸਾਹਮਣਾ ਕਿਉਂ ਕਰ ਰਿਹਾ ਹੈ।