11.77C Vancouver 11.77C VancouverAug 10, 2026 1:33 PM - Connect Newsroom - Ramandeep Kaur with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਇੱਕ ਹਫ਼ਤੇ ਲਈ ਇਟਲੀ ਵਿਚ ਨਿੱਜੀ ਛੁੱਟੀਆਂ 'ਤੇ ਹਨ, ਉਨ੍ਹਾਂ ਦੀ ਇਹ ਛੁੱਟੀਆਂ ਉਸ ਵੇਲੇ ਹੈ ਜਦੋਂ ਕੈਨੇਡਾ-ਅਮਰੀਕਾ ਵਿਚਕਾਰ ਵਪਾਰਕ ਗੱਲਬਾਤ ਮਹੱਤਵਪੂਰਨ ਮੋੜ 'ਤੇ ਹੈ ਅਤੇ ਰਾਸ਼ਟਰਪਤੀ ਡੌਨਲਡ ਟਰੰਪ ਵਲੋਂ 19 ਅਗਸਤ ਤੋਂ ਕੈਨੇਡੀਅਨ ਸਾਮਾਨ 'ਤੇ 50 ਫ਼ੀਸਦੀ ਟੈਰਿਫ਼ਸ ਲਗਾਉਣ ਦੀ ਧਮਕੀ ਦਿੱਤੀ ਗਈ ਹੈ।
ਹਾਲਾਂਕਿ, ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਸਪੱਸ਼ਟ ਕੀਤਾ ਹੈ ਕਿ ਇਸ ਯਾਤਰਾ ਲਈ federal Ethics ਕਮਿਸ਼ਨਰ ਤੋਂ ਪਹਿਲਾਂ ਹੀ ਲੋੜੀਂਦੀ ਮਨਜ਼ੂਰੀ ਲੈ ਲਈ ਗਈ ਸੀ ਅਤੇ ਵਿਸ਼ਵਾਸ ਦਿਵਾਇਆ ਕਿ ਕਾਰਨੀ ਛੁੱਟੀ 'ਤੇ ਹੁੰਦਿਆਂ ਵੀ ਆਪਣੀ ਟੀਮ ਅਤੇ ਅਧਿਕਾਰੀਆਂ ਨਾਲ ਲਗਾਤਾਰ ਸੰਪਰਕ ਵਿਚ ਰਹਿਣਗੇ। ਪੀ. ਐੱਮ. ਓ. ਅਨੁਸਾਰ, ਪ੍ਰਧਾਨ ਮੰਤਰੀ 17 ਅਗਸਤ ਤੱਕ ਆਪਣੇ ਨਿੱਜੀ ਪ੍ਰੋਗਰਾਮਾਂ ਲਈ ਇਟਲੀ ਵਿਚ ਹਨ।
ਗੌਰਤਲਬ ਹੈ ਕਿ ਇਸ ਤੋਂ ਪਹਿਲਾਂ ਮਾਰਚ ਦੇ ਸ਼ੁਰੂ ਵਿਚ ਕਾਰਨੀ ਆਪਣੇ ਯੂਰਪ ਦੌਰੇ ਦੌਰਾਨ ਯੂ. ਕੇ. ਅਤੇ ਇਟਲੀ ਵਿਚ ਛੁੱਟੀਆਂ ਲਈ ਰੁਕੇ ਸਨ। ਪੀ.ਐੱਮ.ਓ. ਦੀ ਡਿਪਟੀ ਡਾਇਰੈਕਟਰ ਔਫ ਕਮਿਊਨੀਕੇਸ਼ਨ ਔਡਰੀ ਚੈਂਪੌਕਸ ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨੂੰ ਰੋਜ਼ਾਨਾ ਮੁੱਦਿਆਂ ਦੀ ਅਪਡੇਟ ਦਿੱਤੀ ਜਾ ਰਹੀ ਹੈ।
