ਪੀ.ਐਮ.ਕਾਰਨੀ ਨੇ ਯੂਕਰੇਨ ਨੂੰ 'ਫੌਜੀ ਸਹਾਇਤਾ' ਦੇਣ ਦਾ ਕੀਤਾ ਵਾਅਦਾ

ਕੈਨੇਡਾ ਨੇ ਯੂਕਰੇਨ ਵਿਚ ਯੁੱਧ ਵਿਰਾਮ ਮਗਰੋਂ ਉਸ ਦੀ ਸੁਰੱਖਿਆ ਲਈ ਸਿੱਧੀ ਅਤੇ ਸਕੇਲੇਬਲ ਫੌਜੀ ਸਹਾਇਤਾ ਤਾਇਨਾਤ ਕਰਨ ਦੀ ਵਚਨਬੱਧਤਾ ਜਤਾਈ ਹੈ। ਪੀ. ਐੱਮ. ਮਾਰਕ ਕਾਰਨੀ ਦੇ ਦਫ਼ਤਰ ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਅੱਜ ਯੂਕਰੇਨ ਪੱਖੀ "Coalition of the Willing" ਦੇ ਨੇਤਾਵਾਂ ਨਾਲ ਵਰਚੁਅਲ ਮੀਟਿੰਗ ਵਿਚ ਸ਼ਾਮਲ ਹੋਏ ਸਨ, ਜਿੱਥੇ ਉਨ੍ਹਾਂ ਕਿਹਾ ਕਿ ਕੈਨੇਡਾ ਯੂਕਰੇਨ ਵਿਚ ਸੀਜ਼ਫਾਇਰ ਤੋਂ ਬਾਅਦ ਫੌਜੀ ਸਹਾਇਤਾ ਦੇਣ ਲਈ ਤਿਆਰ ਹੈ।

ਉਥੇ ਹੀ, ਇਸ ਬੈਠਕ ਤੋਂ ਬਾਅਦ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੌਨ ਨੇ ਕਿਹਾ ਕਿ ਜੰਗਬੰਦੀ ਸਮਝੌਤੇ 'ਤੇ ਸਹਿਮਤੀ ਬਣਨ ਤੋਂ ਅਗਲੇ ਦਿਨ ਹੀ 26 ਪੱਛਮੀ ਸਹਿਯੋਗੀਆਂ ਨੇ ਯੂਕਰੇਨ ਵਿਚ ਜ਼ਮੀਨ, ਸਮੁੰਦਰ ਅਤੇ ਹਵਾਈ ਰਸਤੇ ਫੌਜਾਂ ਤਾਇਨਾਤ ਕਰਨ ਲਈ ਰਸਮੀ ਤੌਰ 'ਤੇ ਵਚਨਬੱਧਤਾ ਪ੍ਰਗਟਾਈ ਹੈ।

ਗੌਰਤਲਬ ਹੈ ਕਿ ਰਾਸ਼ਟਰਪਤੀ ਡੋਨਲਡ ਟਰੰਪ ਅਤੇ ਪੁਤਿਨ ਦੀ ਮੁਲਾਕਾਤ ਤੋਂ ਬਾਅਦ ਲੜਾਈ ਖਤਮ ਕਰਨ ਲਈ ਜੋ ਯਤਨ ਕੀਤੇ ਜਾ ਰਹੇ ਸਨ ਉਨ੍ਹਾਂ ਨੂੰ ਅਜੇ ਬੂਰ ਪੈਂਦਾ ਨਹੀਂ ਦਿਸ ਰਿਹਾ। ਪੁਤਿਨ ਅਤੇ ਜੇਲੇਂਸਕੀ ਵਿਚਕਾਰ ਸਿੱਧੀ ਗੱਲਬਾਤ ਦੀਆਂ ਸੰਭਾਵਨਾਂ ਘੱਟ ਹੁੰਦੀਆਂ ਜਾ ਰਹੀਆਂ ਹਨ ਪਰ ਟਰੰਪ ਦਾ ਮੰਨਣਾ ਹੈ ਕਿ ਇਹ ਮੁਲਾਕਾਤ ਸੰਭਵ ਹੋ ਸਕਦੀ ਹੈ।