9.32C Vancouver 9.32C VancouverDec 8, 2025 7:13 PM - Connect Newsroom - Jasmine Singh with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਫੈਡਰਲ ਪਬਲਿਕ ਸਰਵੈਂਟ ਲਈ ਬੈਕ-ਟੂ- ਔਫਿਸ ਪਲੈਨ ਜਲਦ ਲੌਂਚ ਕੀਤੇ ਜਾਣ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਸੋਮਵਾਰ ਨੂੰ ਔਟਵਾ ਬੋਰਡ ਔਫ ਟਰੇਡ ਵਿਚ ਸੰਬੋਧਨ ਦੌਰਾਨ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਇਸ ਸਬੰਧ ਵਿਚ ਪਬਲਿਕ ਸੈਕਟਰ ਯੂਨੀਅਨ ਨਾਲ ਗੱਲ ਕਰ ਰਹੀ ਹੈ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਰਕਾਰੀ ਫੈਡਰਲ ਵਰਕਰਾਂ ਦੀ ਦਫ਼ਤਰਾਂ ਵਿਚ ਵਾਪਸੀ ਸੀਨੀਅਰਤਾ ਅਤੇ ਕੰਮ ਵਾਲੀ ਥਾਂ ਦੀ ਸਮਰੱਥਾ ਸਮੇਤ ਕਈ ਫੈਕਟਰ 'ਤੇ ਨਿਰਭਰ ਹੋਵੇਗੀ। ਸਰਕਾਰ ਦੀ ਮੌਜੂਦਾ ਹਾਈਬ੍ਰਿਡ ਵਰਕ ਪਾਲਿਸੀ ਤਹਿਤ ਕਰਮਚਾਰੀਆਂ ਨੂੰ ਹਫ਼ਤੇ ਵਿਚ ਘੱਟੋ-ਘੱਟ ਤਿੰਨ ਦਿਨ ਵਰਕ ਪਲੇਸ 'ਤੇ ਕੰਮ ਕਰਨਾ ਲਾਜ਼ਮੀ ਹੈ, ਜਦੋਂ ਕਿ ਕਾਰਜਕਾਰੀ ਨੂੰ ਘੱਟੋ-ਘੱਟ 4 ਦਿਨ ਸਾਈਟ 'ਤੇ ਰਹਿਣਾ ਜ਼ਰੂਰੀ ਹੈ।
ਹਾਲ ਹੀ ਦੇ ਹਫ਼ਤਿਆਂ ਵਿਚ ਇਹ ਅਟਕਲਾਂ ਸਨ ਕਿ ਫੈਡਰਲ ਪਬਲਿਕ ਸਰਵੈਂਟ ਲਈ ਔਨ ਸਾਈਟ ਰਿਕਆਇਰਮੈਂਟ ਵਿਚ ਵਾਧਾ ਕੀਤਾ ਜਾ ਸਕਦਾ ਹੈ।
ਉਥੇ ਹੀ, ਪੰਜ ਸਾਲਾਂ ਵਿਚ ਸਰਕਾਰੀ ਕਰਮਚਾਰੀਆਂ ਵਿਚ ਕੀਤੀ ਜਾਣ ਵਾਲੀ ਕਟੌਤੀ 'ਤੇ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਪਿਛਲੇ 10 ਸਾਲਾਂ ਵਿਚ ਪਬਲਿਕ ਸਰਵਿਸ ਦੇ ਸਾਈਜ਼ ਵਿਚ ਜੋ ਵਾਧਾ ਹੋਇਆ ਉਹ ਟਿਕਾਊ ਨਹੀਂ ਹੈ, ਇਸ ਲਈ ਉਸ 'ਤੇ ਫੋਕਸ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਵਿਚ ਕਮੀ ਜ਼ਿਆਦਾਤਰ ਅਟ੍ਰੀਸ਼ਨ ਅਤੇ ਰਿਟਾਇਰਮੈਂਟ ਜ਼ਰੀਏ ਹੋਵੇਗੀ।
