23.51C Vancouver 23.51C VancouverSep 18, 2025 7:51 PM - The Canadian Press
ਪੀ.ਐਮ.ਮਾਰਕ ਕਾਰਨੀ ਨੇ ਆਪਣੇ ਪ੍ਰਮੁੱਖ ਸਕੱਤਰ ਅਤੇ ਸਾਬਕਾ ਟਰੂਡੋ ਸਰਕਾਰ ਵਿਚ ਜਸਟਿਸ ਮਿਨਿਸਟਰ ਰਹੇ ਡੇਵਿਡ ਲੈਮੇਟੀ ਨੂੰ ਸੰਯੁਕਤ ਰਾਸ਼ਟਰ ਵਿਚ ਕੈਨੇਡਾ ਦਾ ਅਗਲਾ ਰਾਜਦੂਤ ਨਿਯੁਕਤ ਕਰਨ ਦਾ ਐਲਾਨ ਕੀਤਾ ਹੈ। ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਕਿਹਾ ਕਿ ਲੈਮੇਟੀ ਸਾਬਕਾ ਲਿਬਰਲ ਲੀਡਰ ਬੌਬ ਰੇਅ ਦੀ ਥਾਂ ਲੈਣਗੇ, ਜੋ 2020 ਤੋਂ ਇਸ ਭੂਮਿਕਾ ਵਿਚ ਹਨ।
ਲੈਮੇਟੀ ਸਾਬਕਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਕੈਬਨਿਟ ਦੇ ਦੂਜੇ ਮੈਂਬਰ ਹਨ, ਜੋ ਕਾਰਨੀ ਦੇ ਦਫ਼ਤਰ ਵਿਚੋਂ ਸਭ ਤੋਂ ਉੱਚੀ ਪੋਸਟ ਤੋਂ ਅਲਵਿਦਾ ਕੀਤੇ ਗਏ ਹਨ। ਇਸ ਤੋਂ ਪਹਿਲਾਂ ਕਾਰਨੀ ਦੇ ਪਹਿਲੇ ਚੀਫ਼ ਆਫ਼ ਸਟਾਫ਼ ਮਾਰਕੋ ਮੇਂਡੀਸੀਨੋ ਦੀ ਜਗ੍ਹਾ ਸੰਯੁਕਤ ਰਾਸ਼ਟਰ ਦੇ ਸਾਬਕਾ ਰਾਜਦੂਤ ਮਾਰਕ-ਐਂਡਰੀ ਬਲੈਂਚਰਡ ਨੇ ਲਈ ਸੀ, ਜੋ ਜੁਲਾਈ ਤੋਂ ਪੀ. ਐੱਮ. ਕਾਰਨੀ ਲਈ ਕੰਮ ਕਰ ਰਹੇ ਹਨ।
ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਇਹ ਵੀ ਕਿਹਾ ਹੈ ਕਿ ਕਾਰਨੀ ਗਲੋਬਲ ਅਫੇਅਰਜ਼ ਕੈਨੇਡਾ ਦੀ ਇੱਕ ਸੀਨੀਅਰ ਅਧਿਕਾਰੀ ਵੇਰਾ ਅਲੈਗਜ਼ੈਂਡਰ ਨੂੰ ਜਰਮਨੀ ਵਿਚ ਕੈਨੇਡਾ ਦੀ ਅਗਲਾ ਰਾਜਦੂਤ ਨਿਯੁਕਤ ਕਰਨਗੇ। ਜਰਮਨੀ ਵਿਚ ਕੈਨੇਡਾ ਦੇ ਸਾਬਕਾ ਰਾਜਦੂਤ ਅਤੇ ਸਾਬਕਾ ਬੀ.ਸੀ. ਪ੍ਰੀਮੀਅਰ ਜੌਨ ਹੋਰਗਨ ਦਾ ਪਿਛਲੇ ਸਾਲ ਦੇ ਅਖੀਰ ਵਿਚ ਦੇਹਾਂਤ ਹੋ ਗਿਆ ਸੀ।
