ਪ੍ਰਧਾਨ ਮੰਤਰੀ ਕਾਰਨੀ ਔਟਵਾ ਵਿਚ ਥੋੜ੍ਹੀ ਹੀ ਦੇਰ ਵਿਚ ਕਰਨਗੇ ਪ੍ਰੈਸ ਕਾਨਫਰੰਸ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਆਪਣੇ ਮੰਤਰੀ ਮੰਡਲ ਨਾਲ ਮੀਟਿੰਗ ਕਰਨ ਤੋਂ ਬਾਅਦ ਥੋੜ੍ਹੀ ਹੀ ਦੇਰ ਵਿਚ ਔਟਵਾ ਵਿਚ ਇੱਕ ਨਿਊਜ਼ ਕਾਨਫਰੰਸ ਕਰਨ ਵਾਲੇ ਹਨ। ਕੱਲ੍ਹ ਪ੍ਰਧਾਨ ਮੰਤਰੀ ਦੀ ਡੌਨਲਡ ਟਰੰਪ ਨਾਲ ਗੱਲਬਾਤ ਤੋਂ ਬਾਅਦ ਅੱਜ ਸਵੇਰ ਕੈਬਨਿਟ ਦੀ ਮੀਟਿੰਗ ਸੱਦੀ ਗਈ ਸੀ।

ਫਿਲਹਾਲ ਇਹ ਜਾਣਕਾਰੀ ਨਹੀਂ ਕਿ ਪ੍ਰਧਾਨ ਮੰਤਰੀ ਕਿਸ ਬਾਰੇ ਨਿਊਜ਼ ਕਾਨਫਰੰਸ ਵਿਚ ਗੱਲ ਕਰ ਸਕਦੇ ਹਨ ਪਰ ਮੰਨਿਆ ਜਾਂਦਾ ਹੈ ਕਿ ਕੈਨੇਡਾ ਵ੍ਹਾਈਟ ਹਾਊਸ ਨਾਲ ਤਣਾਅ ਘਟਾਉਣ ਦੀ ਕੋਸ਼ਿਸ਼ ਕਰਦੇ ਹੋਏ ਮੌਜੂਦਾ ਉੱਤਰੀ ਅਮਰੀਕਾ ਫ੍ਰੀ ਟਰੇਡ ਡੀਲ ਤਹਿਤ ਅਮਰੀਕੀ ਉਤਪਾਦ ਦੀ ਇੱਕ ਲੰਬੀ ਸੂਚੀ 'ਤੇ ਆਪਣੇ ਜਵਾਬੀ ਟੈਰਿਫ ਨੂੰ ਹਟਾ ਸਕਦਾ ਹੈ।