11.67C Vancouver 11.67C VancouverJul 2, 2025 3:53 PM - The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਲੋਂ ਅੱਜ ਆਟੋਮੋਟਿਵ ਸੈਕਟਰ ਦੇ ਸੀ.ਈ.ਓ. ਨਾਲ ਮੁਲਾਕਾਤ ਕੀਤੀ ਜਾ ਰਹੀ ਹੈ, ਇਹ ਸੈਕਟਰ ਅਮਰੀਕਾ ਅਤੇ ਕੈਨੇਡਾ ਵਿਚਕਾਰ ਵਪਾਰ ਯੁੱਧ ਨਾਲ ਖਾਸ ਤੌਰ 'ਤੇ ਪ੍ਰਭਾਵਿਤ ਹੈ। ਟਰੰਪ ਨੇ ਕਈ ਵਾਰ ਇਹ ਗੱਲ ਕਹੀ ਹੈ ਕਿ ਅਮਰੀਕਾ ਨੂੰ ਕੈਨੇਡੀਅਨ ਕਾਰਾਂ ਦੀ ਕੋਈ ਲੋੜ ਨਹੀਂ ਹੈ ਅਤੇ ਉਹ ਚਾਹੁੰਦੇ ਹਨ ਕਿ ਕਾਰ ਕੰਪਨੀਆਂ ਅਮਰੀਕਾ ਵਿਚ ਆਪਣਾ ਉਤਪਾਦਨ ਸ਼ਿਫਟ ਕਰਨ।
ਕੈਨੇਡਾ ਵਿਚ ਬਣਨ ਵਾਲੀਆਂ ਕਾਰਾਂ 'ਤੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ 25 ਫੀਸਦੀ ਟੈਰਿਫ ਲਗਾਇਆ ਹੋਇਆ ਹੈ, ਜਿਸ ਵਿਚ ਸਿਰਫ ਅਮਰੀਕਾ ਦੇ ਬਣੇ ਹੋਏ ਹਿੱਸੇ ਨੂੰ ਹੀ ਛੋਟ ਦਿੱਤੀ ਗਈ ਹੈ। ਇਹ ਸਥਿਤੀ ਕਾਰ ਕੰਪਨੀਆਂ ਲਈ ਕਾਫ਼ੀ ਗੁੰਝਲਦਾਰ ਬਣੀ ਹੋਈ ਹੈ।
ਪ੍ਰਧਾਨ ਮੰਤਰੀ ਨੇ ਕਾਰਨੀ ਕਿਹਾ ਹੈ ਕਿ ਉਹ 21 ਜੁਲਾਈ ਤੱਕ ਕੈਨੇਡਾ-ਅਮਰੀਕਾ ਵਿਚਕਾਰ ਵਪਾਰ ਸਮਝੌਤੇ ਦੀ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਜੇ ਇਸ ਸਮਾਂ ਸੀਮਾ ਵਿਚ ਕੋਈ ਸਮਝੌਤਾ ਨਹੀਂ ਹੁੰਦਾ ਤਾਂ ਉਹ ਬਰਾਬਰ ਦੇ ਜਵਾਬੀ ਟੈਰਿਫ ਨਾਲ ਕੈਨੇਡੀਅਨ ਵਪਾਰ ਨੂੰ ਬੂਸਟ ਦੇਣ ਲਈ ਕਦਮ ਚੁੱਕਣਗੇ।
