12.46C Vancouver 12.46C VancouverAug 25, 2025 1:46 PM - The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਐਤਵਾਰ ਨੂੰ ਅਚਾਨਕ ਕੀਵ ਦਾ ਦੌਰਾ ਕੀਤਾ, ਜਿੱਥੇ ਉਹ ਯੂਕਰੇਨ ਦੇ ਆਜ਼ਾਦੀ ਦਿਹਾੜੇ ਮੌਕੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਨਾਲ ਸੋਫੀਆ ਸਕੁਏਅਰ ਵਿਚ ਰੱਖੇ ਸਮਾਗਮ ਵਿਚ ਸ਼ਾਮਲ ਹੋਏ ਅਤੇ ਭਾਸ਼ਣ ਵੀ ਦਿੱਤਾ।
ਇਸ ਮੌਕੇ ਉਨ੍ਹਾਂ ਯੂਕਰੇਨ ਲਈ 2 ਬਿਲੀਅਨ ਡਾਲਰ ਦੀ ਫੌਜੀ ਸਹਾਇਤਾ ਦਾ ਐਲਾਨ ਕੀਤਾ। ਦੋਵਾਂ ਨੇਤਾਵਾਂ ਨੇ ਇੱਕ ਸਾਂਝੀ ਪ੍ਰੈ੍ੱਸ ਕਾਨਫਰੰਸ ਵੀ ਕੀਤੀ, ਜਿਸ ਵਿਚ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਜੇ ਕੀਵ ਰੂਸ ਨਾਲ ਜੰਗਬੰਦੀ ਸਮਝੌਤੇ 'ਤੇ ਪਹੁੰਚ ਜਾਂਦਾ ਹੈ ਤਾਂ ਕੈਨੇਡਾ ਸੁਰੱਖਿਆ ਗਾਰੰਟੀ ਦੇ ਰੂਪ ਵਿਚ ਯੂਕਰੇਨ ਵਿਚ ਆਪਣੀਆਂ ਫੌਜੀ ਟੁੱਕੜੀਆਂ ਤਾਇਨਾਤ ਕਰ ਸਕਦਾ ਹੈ।
ਪ੍ਰਧਾਨ ਮੰਤਰੀ ਦੀ ਇਹ ਟਿੱਪਣੀ ਉਦੋਂ ਆਈ ਹੈ ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਪੁਤਿਨ ਅਤੇ ਜੇਲੇਂਸਕੀ ਵਿਚਕਾਰ ਜੰਗਬੰਦੀ ਲਈ ਕੋਸ਼ਿਸ਼ ਕਰ ਰਹੇ ਹਨ ਪਰ ਟਰੰਪ ਨੇ ਕਿਹਾ ਹੈ ਕਿ ਅਮਰੀਕਾ ਸੁਰੱਖਿਆ ਗਾਰੰਟੀ ਦੇ ਹਿੱਸੇ ਵਜੋਂ ਯੂਕਰੇਨ ਵਿਚ ਆਪਣੀ ਫੌਜ ਨਹੀਂ ਭੇਜੇਗਾ।
ਗੌਰਤਲਬ ਹੈ ਕਿ ਕਾਰਨੀ ਸ਼ਨੀਵਾਰ ਕੈਨੇਡਾ ਤੋਂ ਯੂਰਪ ਯਾਤਰਾ ਲਈ ਰਵਾਨਾ ਹੋਏ ਸਨ ਅਤੇ ਐਤਵਾਰ ਸਵੇਰੇ ਉਹ ਅਚਾਨਕ ਕੀਵ ਪਹੁੰਚ ਗਏ। ਪੋਲੈਂਡ ਦੀ ਯਾਤਰਾ ਅੱਜ ਸਮਾਪਤ ਕਰਨ ਮਗਰੋਂ ਉਹ ਮੰਗਲਵਾਰ ਜਰਮਨੀ ਵਿਚ ਹੋਣਗੇ।
