30.09C Vancouver 30.09C VancouverJun 10, 2021 7:38 PM -
ਐਤਵਾਰ ਨੂੰ ਔਂਟੈਰੀਓ ਦੇ ਲੰਡਨ 'ਚ ਵਾਪਰੇ ਭਿਆਨਕ ਹਮਲੇ 'ਚ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਨੂੰ ਅੱਜ ਕੋਰਟ 'ਚ ਪੇਸ਼ ਕੀਤਾ ਗਿਆ।
ਹਮਲਾਵਰ ਦਾ ਨਾਮ ਨਥੈਨੀਅਲ ਵੈਲਟਮੈਨ ਹੈ।
ਉਸ ਨੂੰ ਵਰਚੁਅਲ ਤਰੀਕੇ ਨਾਲ ਕੋਰਟ 'ਚ ਪੇਸ਼ ਕੀਤਾ ਗਿਆ ਸੀ।
ਉਸ 'ਤੇ ਫਰਸਟ ਡਿਗਰੀ ਕਤਲ ਦੇ 4 ਦੋਸ਼ ਹਨ ਅਤੇ ਕਤਲ ਦੀ ਕੋਸ਼ਿਸ਼ ਦਾ ਇੱਕ ਦੋਸ਼ ਲੱਗਾ ਹੈ।
ਮਾਮਲੇ ਦੀ ਸੁਣਵਾਈ ਨੂੰ ਸੋਮਵਾਰ ਤਕ ਮੁਲਤਵੀ ਕਰ ਦਿੱਤਾ ਗਿਆ ਹੈ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦਾ ਕਹਿਣਾ ਸੀ ਕਿ ਉਹ ਵਕੀਲ ਹਾਸਿਲ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਯਾਦ ਰਹੇ ਇਸ ਘਟਨਾ 'ਚ ਸੈਰ 'ਤੇ ਨਿਕਲੇ ਇੱਕੋ ਪਰਿਵਾਰ ਦੇ 4 ਲੋਕਾਂ ਦੀ ਮੌਤ ਹੋ ਗਈ ਸੀ।
ਇਹ ਘਟਨਾ ਉਸ ਵੇਲੇ ਵਾਪਰੀ ਸੀ ਜਦ ਸੈਰ 'ਤੇ ਨਿਕਲੇ ਪਰਿਵਾਰ 'ਤੇ ਟਰੱਕ ਚੜ੍ਹਾ ਦਿੱਤਾ ਗਿਆ ਸੀ।
ਪੀੜਤਾਂ 'ਚ ਇੱਕ 46 ਸਾਲਾ ਆਦਮੀ, ਉਸ ਦੀ 44 ਸਾਲਾ ਪਤਨੀ ਅਤੇ ਜੋੜੇ ਦੀ 15 ਸਾਲਾ ਬੇਟੀ ਤੋਂ ਇਲਾਵਾ 74 ਸਾਲਾ ਦਾਦੀ ਵੀ ਸ਼ਾਮਿਲ ਸੀ।
ਇਸ ਪਰਿਵਾਰ ਦਾ 5ਵਾਂ ਮੈਂਬਰ, 9 ਸਾਲਾ ਬੇਟਾ ਜ਼ਖਮੀ ਹਾਲਤ 'ਚ ਹਸਪਤਾਲ 'ਚ ਦਾਖਿਲ ਹੈ।
