17.46C Vancouver 17.46C VancouverMay 31, 2021 10:40 AM -
ਕਾਂਗਰਸ ਲੀਡਰ ਰਾਹੁਲ ਗਾਂਧੀ ਨੇ ਅੱਜ ਸੋਮਵਾਰ ਨੂੰ ਭਰਤੀ ਜਨਤਾ ਪਾਰਟੀ ਦੀ ਅਗਵਾਈ ਵਾਲੀ ਕੇਂਦਰ ਦੀ ਐੱਨਡੀਏ ਸਰਕਾਰ ਦੀ ਮਹਾਮਾਰੀ ਨਾਲ ਜੂਝਣ ਦੇ ਗ਼ਲਤ ਪ੍ਰਬੰਧਾਂ ਨੂੰ ਲੈਕੇ ਨਿਖੇਧੀ ਕਰਦਿਆਂ ਆਖਿਆ ਕਿ ਜਿਸ ਤਰਾਂ ਮੁਲਕ ਕੋਵਿਡ-19 ਦੀ ਦੂਜੀ ਲਹਿਰ ਨਾਲ ਜੂਝ ਰਿਹਾ ਹੈ, ਕੇਂਦਰ ਦੀ ਲੀਡਰਸ਼ਿਪ ਦੇ ਹੰਕਾਰ ਕਰਕੇ 97 ਫ਼ੀਸਦ ਭਾਰਤੀਆਂ ਦੀ ਤਨਖ਼ਾਹ ਵਿੱਚ ਗਿਰਾਵਟ ਆਈ ਹੈ।
ਉਨ੍ਹਾਂ ਇਹ ਵੀ ਆਖਿਆ ਕਿ ਅਰਥਚਾਰੇ ਵਿੱਚ ਗਿਰਾਵਟ ਦਾ ਦੂਜਾ ਕਰਨ ਕੋਰੋਨਾਵਾਇਰਸ ਦੇ ਕਈ ਮਿਊਟੈਂਟ ਹੋਣਾ ਹੈ।
ਕਾਂਗਰਸ ਲੀਡਰ ਨੇ ਇੱਕ ਰਿਪੋਰਟ ਸਾਂਝੀ ਕੀਤੀ, ਜਿਸ ਮੁਤਾਬਕ, ਮੁਲਕ ਵਿੱਚ ਦੂਜੀ ਲਹਿਰ ਦੌਰਾਨ ਕਈ ਹਿੱਸਿਆਂ 'ਚ ਕੀਤੀ ਗਈ ਤਾਲਾਬੰਦੀ ਕਰਕੇ 97 ਫ਼ੀਸਦ ਭਾਰਤੀ ਹੋਰ ਗ਼ਰੀਬ ਹੋਏ ਹਨ।
ਕਾਂਗਰਸ ਲੀਡਰ ਨੇ ਟਵੀਟ ਕੀਤਾ,"ਇੱਕ ਇਨਸਾਨ ਅਤੇ ਉਸਦਾ ਹੰਕਾਰ + ਇੱਕ ਵਾਇਰਸ ਅਤੇ ਉਸਦੇ ਕਈ ਮਿਊਟੈਂਟ।"
ਗਾਂਧੀ ਵੱਲੋਂ ਸਾਂਝੀ ਕੀਤੀ ਗਈ ਰਿਪੋਰਟ ਮੁਤਾਬਕ, ਕੋਵਿਡ-19 ਮਹਾਮਾਰੀ ਦੀ ਦੂਜੀ ਲਹਿਰ ਦਾ ਪ੍ਰਭਾਵ ਭਾਰਤ ਵਿੱਚ ਨੌਕਰੀਆਂ 'ਤੇ ਪਿਆ ਹੈ।
ਇਸ ਮੁਤਾਬਕ, ਭਾਰਤ ਵਿੱਚ ਤਨਖਾਹਾਂ ਵਾਲੀਆਂ ਨੌਕਰੀਆਂ ਵਿੱਚ ਵੱਡੀ ਗਿਣਤੀ 'ਚ ਗਿਰਾਵਟ ਆਈ ਹੈ।
ਰਿਪੋਰਟ ਵਿੱਚ ਅੱਗੇ ਆਖਿਆ ਗਿਆ ਹੈ ਕਿ 97 ਫ਼ੀਸਦ ਭਾਰਤੀਆਂ ਦੀ ਤਨਖ਼ਾਹ ਵਿੱਚ ਗਿਰਾਵਟ ਆਈ ਹੈ।
ਰਿਪੋਰਟ ਵਿੱਚ ਸੈਂਟਰ ਫਾਰ ਮੌਨੀਟਰਿੰਗ ਇੰਡੀਅਨ ਇਕੌਨਮੀ (ਸੀਐੱਮਆਈਈ) ਦੇ ਮੁੱਖ ਐਗਜੇਕੇਟਿਵ ਅਫ਼ਸਰ ਮਹੇਸ਼ ਵਿਆਸ ਦੀ ਆਖੀ ਗੱਲ ਮੁਤਾਬਕ, ਭਾਰਤੀ ਵੱਸੋਂ ਦੀ 97 ਫ਼ੀਸਦ ਅਬਾਦੀ, ਮਹਿੰਗਾਈ ਵੇਲੇ (ਇੱਕ ਸਾਲ ਪਹਿਲਾਂ) ਦੇ ਮੁਕਾਬਲੇ ਹੋਰ ਵੀ ਗ਼ਰੀਬ ਹੋਈ ਹੈ।
ਰਿਪੋਰਟ ਵਿੱਚ ਵਿਆਸ ਨੇ ਦੱਸਿਆ ਹੈ ਕਿ ਭਾਰਤ ਵਿੱਚ ਤਨਖਾਹਾਂ ਵਾਲੀਆਂ ਨੌਕਰੀਆਂ 11-12 ਮਿਲੀਅਨ ਤੱਕ ਘਟੀਆਂ ਹਨ।
ਉਨ੍ਹਾਂ ਆਖਿਆ ਕਿ ਕੋਵਿਡ-19 ਤੋਂ ਪਹਿਲਾਂ, ਤਕਰੀਬਨ 85 ਮਿਲੀਅਨ ਨੌਕਰੀਆਂ ਸਨ ਅਤੇ ਹੁਣ ਇਹ ਅੱਜ 73-74 ਮਿਲੀਅਨ ਤੱਕ ਘਟ ਚੁੱਕੀਆਂ ਹਨ।
